Herzog: Zhvillimet e fundit në Lindjen e Mesme një “ndryshues i lojës”

Presidenti izraelit, Isaac Herzog ka shprehur optimizëm përpara takimit të parë të Bordit të Paqes nesër në Uashington, duke i quajtur zhvillimet e fundit një “ndryshues loje” për rajonin.

“Shpresojmë se do të shohim plane shumë serioze që mund të ofrojnë një rrugë të ndryshme për popullin e Gazës”, tha sot Herzog gjatë një vizite në Qendrën e Koordinimit Civil Ushtarak (CMCC) të udhëhequr nga SHBA-ja në Izraelin jugor.

Qendra supozohet të monitorojë armëpushimin midis Izraelit dhe milicisë islamike palestineze “Hamas”.

Në takimin e parë, Bordi i Paqes do të përqendrohet në ndihmën për rindërtimin e Rripit të Gazës.

“Unë besoj vërtet se ky është një ndryshim rrënjësor për të ardhmen e Lindjes së Mesme dhe për paqen botërore”, tha Herzog duke iu referuar planit 20-pikësh të presidentit të SHBA-së, Donald Trump për çmilitarizimin e Gazës dhe një rezolute të Këshillit të Sigurimit të OKB-së lidhur me këtë.

“Ne mezi presim një të ardhme shprese në Gaza”, shtoi ai.

Trump ka njoftuar një paketë të ndihmës humanitare dhe të rindërtimit prej disa miliardë dollarësh për Rripin e Gazës, i cili është shkatërruar kryesisht nga lufta.