Donald Trump i kërkon Gjykatës së Lartë të shtyjë ndalimin e TikTok

Presidenti i zgjedhur i SHBA-së Donald Trump i ka kërkuar Gjykatës së Lartë të SHBA-së të shtyjë një afat ligjor që detyron shitjen ose ndalimin e TikTok, për të mundësuar një “zgjidhje politike” pasi të betohet si president muajin e ardhshëm.

Presidenti i zgjedhur i SHBA-së Donald Trump i ka kërkuar Gjykatës së Lartë të SHBA-së të shtyjë një afat ligjor që detyron shitjen ose ndalimin e TikTok, për të mundësuar një “zgjidhje politike” pasi të betohet si president muajin e ardhshëm.

Sipas një ligji të miratuar nga Kongresi në prill, kompania mëmë kineze ByteDance duhet të shesë TikTok deri më 19 janar 2025 — një ditë para se Trump të inaugurohet si president — ose të përballet me një ndalim në të gjithë vendin.

Legjislacioni u miratua pas paralajmërimeve nga zyrtarët amerikanë se platforma paraqiste rreziqe për sigurinë kombëtare, pjesërisht sepse ByteDance mund të detyrohet të ndajë informacionin personal të 170 milionë amerikanëve që përdorin aplikacionin e videove me Pekinin, sipas ligjeve kineze.

Megjithatë, Trump i ka kërkuar Gjykatës së Lartë të shtyjë afatin ndërsa shqyrton vlefshmërinë e çështjes, për t’i dhënë administratës së tij të ardhshme “mundësinë për të ndjekur një zgjidhje politike për çështjet në fjalë”, sipas një dokumenti të paraqitur të premten, 27 dhjetor.
Lajmi ne perditesim…