“Rruga e vjetër më bënte me dhimbje koke”/ Rama në Peshkopi: Lura do bëhet Thethi i Dibrës, do vërshojnë turistët

Kryeministri Edi Rama, gjatë një vizite në Peshkopi, ka folur për transformimin infrastrukturor të zonës dhe potencialin turistik të Dibrës.

Ai kujtoi me humor peripecitë e rrugës së vjetër që të çonte në Dibër, duke thënë se “vetëm kur e mendoja më dhembte koka”.

Rama theksoi se me përmirësimin e infrastrukturës, veçanërisht në drejtim të Lurës, kjo zonë do të shndërrohet në një destinacion turistik të ngjashëm me Thethin, duke sjellë një vërshim turistësh në zonë.

Edi Rama në Peshkopi: Më përpara, kur më thoshin që të ka ardhur radha për të ikur në Peshkopi, më dhembte koka një ditë para se kush e bën atë rrugë.

Nuk mbaronte dhe kur të dilte shpirti, dilte Burreli. Pastaj vazhdoje dhe futeshe në Klos.

Pastaj dilte qafa e Buallit, qafa e Bufit.

Pastaj vinte Bulqiza, vinte Shupenza. Lura kur të shkojë rruga tamam, do bëhet Thethi i Dibrës.

Që kur është hapur Murrizi, turistët kanë vërshuar në Dibër e do vërshojnë më shumë.