Operacioni i SPAK/ Gazetari tregon si u rekrutuan kryeprokurori dhe ish-kreu i Operacionales në grupin kriminal Gjoka – Bajri – Martinaj

Prokuroria e Posaçme dhe më pas edhe Policia e Shtetit kanë publikuar detaje dhe pamjet e operacionit të një dite më parë. ku u arrestuan biznesmeni Pëllumb Gjoka, prokurori i Kukësit Xhevahir Lita dhe ish shefin e Operacionales, Oltion Bistri.

Policia njofton se operacioni ishte i një shkalle të lartë vështirësie. Në total janë arrestuar 8 persona ndërsa janë shpallur në kërkim 9 të tjerë

Të arrestuarit janë: Pëllumb Gjoka, Edmond Preka, Astmer Bilali, Ardrit Hasanbegaj, Oltian Bistri, Xhevahir Lita, Sabjan Troshani dhe Nehat Fojleta.

Policia thekson se gjatë operacionit janë gjetur dhe sekuestruar një arsenal armësh, 8 automjete (4 prej tyre të blinduara), maska, paruke dhe sende të tjera të paligjshme që përdoreshin nga pjesëtarët e grupit kriminal.

Ndërkaq, në një intervistë në studion e lajmeve në “Ora News”, gazetari Elton Qyno ka zbardhur dhe rolet e 3 protagonistëve të kësaj dosjeje, biznesmenit Gjoka, kryeprokurorit të Kukësit, Lita dhe ish-kreut të Forcave Operacionale në Policinë e Shtetit, në implikimin e tyre në grupin kriminal Bajri dhe Martinaj që aktivitetet e tyre i zhvillonin në Shkodër dhe Lezhë.

“Hetimi i Prokurorisë së Posaçme Anti-korrupsion që çoi në prangosjen e biznesmenit Pëllumb Gjoka, kryeprokurorit të Kukësit si dhe ish-kreut të Operacionales në Polcinë e Shtetit është shtrirë në tri shtete.

SPAK bashkëpunim me prokuroritë e Holandës, Francës dhe Belgjikës.

Veprimtaria e këtij grupi shtrihet në zonën e Lezhës dhe Shkodrës.

Përfshirja e kryeprokurorit të Kukësit nuk lidhet me veprimtarinë e tij në Kukës, por në periudhën kur ai ishte prokuror në Prokurornë e Shkodrës.

Xhevahir Lita mësohet se ka pasur rol në çlirimin nga akuzat të dy personave të përfshirë në ngjarje kriminale siç është Elio Hasko. Dhe ndaj tij rëndon pikërisht akuza e bashkëpunimit.

Oltion Bistri është përfshirë në një rast përgjimi të një telefonate mes tij dhe biznesmenit Pëllumb Gjoka, të cilin mësohet se e ka vënë në dijeni për një operacion kundër lojërave të fatit. Pranda ndaj tij rëndon akuza e dekonspirimit dhe bashkëpunimit me persona të inkriminuar.

Jemi mësuar gjithmonë që emri i Pëllumb Gjokës të dalë në publik sa herë ka zgjedhje,m si person i përfshirë në krime zgjedhore.

Por tashmë ky personazh shfaqet në një tjetër dimension, edhe më të rëndë dhe që nuk ka lidhje me aktivitetin e tij tregtar, por tashmë ai është i përfshirë në një ngjarje tejet të rëndë që është ngjarja e vitit 2020, për vrasjen e Gjin Boriçit.

Dhe sipas hetimit të SPAK-ut rezulton se pas kësaj vrasjeje janë Pëllumb Gjoka dhe biznesmeni tjetër i lojërave të fatit, që tashmë është në kërkim dhe për të cilin nuk dihet edhe fati i tij nëse është i gjallë apo i vdekur, Ervis Martinaj.

PO ashtu, një tjetër person i përfshirë në këtë dosje, Behar Bajri nuk është në Shkodër, ndaj ai është shpallur në kërkim.

Po kështu shpallja në kërkim të Asmer Bilalit, i cili edhe më herët ka qenë i shpallur në kërkim.

Operacioni i SPAK-ut është zhvilluar në fshehtësi të plotë, ndaj dhe arrestimet janë realizuar në orët e vona të natës, dhe të arrestuarit janë kapur në gjumë.

Gjatë operacionit janë dhe dy persona të tjerë të cilët janë kapur me armë dhe municione”, u shpreh ndër të tjera gazetari “Elton Qyno.

elton qyno ervis martinaj siklajda shorja pëllumb gjoka xhevahir lita oltion bistri bajri