Vritet me armë zjarri në Shkodër 51-vjeçari, sapo ishte kthyer nga Anglia

Petrit Vuksani, 51 vjeç, u ekzekutua me armë zjarri në Shkodër, nga një i afërm të cilit mësohet se i kishte lënë me qira një banesë. Pagesa e qirasë dyshohet se ishte shkaku i krimit, pas të cilit Lekë Vuksani është në arrati.

Ky është si Petrit Vuksani, 51-vjeçari që ekzekutua mesditën e kësaj të marte ne banesën e tij në Shkodër.

Autori i krimit u identifikua pak minuta më vonë si Lek Vuksani, i cili rrinte me qira në banesën e 51-vjeçarit .

Dy burrat, të afërm me njëri-tjetrin, ishin të vetëm kur ndodhi krimi.

Nuk dihet saktë se çfarë ndodhi, por pas debateve Lek Vuksani ka zbrazur ndaj 51-vjeçarit automatikun kallashnikov.

Petrit Vuksani mbeti i vrarë në vend, ndërsa autori mori arratinë.

Burime nga grupi hetimor thanë se shkak i konfliktit që përfundoi në krim janë pikërish lekët e qirasë.

Petrit Vuksani ( Foto e vitit 2015 )

Autori pas krimit besohet se është larguar dejt zonës së Dukagjinit, por kontrollet e policisë po vijojnë edhe në qytet.

Viktima Petrit Vuksani, i cili është baba i dy fëmijëve, kishte vetëm pak kohë që ishte kthyer nga Anglia.

Tashmë policia po pyet edhe familjarët e Petrit Vuksanit për konfliktin që kishte me qiramarrësin që e vrau.

Po ashtu në zonë janë sekuestruar disa kamera sigurie, pasi dyshohet se autori mund të jetë ndihmuar nga persona të tjerë për tu larguar pas krimit.

vrasje ne shkoder petrit vuksani lek vuksani

Petrit Vuksani ( Foto e vitit 2015 )