EMRAT/ Dy të arrestuar në Elbasan për “BMW X6” të mbushur me arsenal armësh

Detaje të reja vijnë nga Elbasani, ku nga burime nga policia e këtij qyteti mësohet se janë arrestuar dy persona, të cilët dyshohen se i përkasin 4 armë zjarri (3 kallashnikovë dhe 1 pistoletë), 2 bidona me lëndë djegëse (benzinë) dhe një automjet që dyshohet se do të përdoreshin për kryerjen një krimi në këtë qytet, dhe që tashmë janë vënë nën sekuestron e policisë.

Konkretisht mësohet se të arrestuarit janë shtetasit Arben Spahiu dhe Arsen Peçi, të cilët janë arrestuar në Elbasan pas dyshimeve se mjeti i sekuestruar i përket këtyre shtetasve.

Ndërkaq Arben Spahiu është vëllai i Arjan Spahiut, që u vra në Belgjikë mbrëmjen e 27-nëntorit 2020 në Bruksel, ku autor i kësaj ngjarje dyshohet se është Mikel Kamami alias “Keli i Kicit”.

Arsen Preçi

Njëherësh Arbeni, është vëllai i Rigers Spahiut, të arrestuar për arsenalin e armëve të zbuluara në muajin Tetor 2022.

Spahiu po ashtu është dhe kunati i Erjon Alibejt dhe dyshohet se ngjarja e parandaluar dje nga policia e Elbasanit është rrjedhojë e zhvillimeve mes bandave në këtë qytet pas rrëfimeve të Alibejt para drejtësisë.

Makina ishte bërë gati për atentatin ndaj Elton Kilës alias "Otit" dhe Talo Çelës.

Deri në këtë fazë të hetimit nuk dihet me saktësi se sa është koha e qëndrimit të makinës në magazinën e ish-fermetimit.

policia erjon alibej arben spahiu elbasani arsen peçi