"Edmondin e takova një ditë pas vrasjes së Nikulajt", Nertila Haxhia: E penduara e drejtësisë do ishte më e sigurt në burg

Juristja Nertila Haxhia, vajza e xhaxhait të Edmond Haxhisë i akuzuar si financuesi dhe porositësi i vrasjes së Ardian Nikulajt tha në një intervistë ekskluzive në "Drejt" se e penduara e drejtësisë që zbërtheu grupin e atentatit do të duhet të ishte në burg pasi kështu sipas saj do të ishte më e sigurt.

"Ka një të penduar të drejtësisë që duhet ta mbroj unë. Nëse gjërat janë si ka thënë ajo për mua duhet të ishte urgjent e burgosur.Më e mbrojtur do të ishte në burg. Kanë dalë informacione nga policie se kush është ajo. E dinë shumë njerëz. Policia e Lezhës duhet të kujdesej për çdo procedurë".

Ajo tha se Edmond Haxhinë e ka takuar një ditë pas vrasjes së Nikulajt.

"E kam takuar sepse muajt e fundit ka pasur një gëzim familjar. Herën e fundit e kam takuar një ditë pas vrasjes, në drekë. Nuk kam vënë re asgjë. E mora vesh se ka ikur në darkë për Britani.Nuk kam komunikuar më me të se nuk kam komunikim të vazhdueshëm me të".

Ajo mohon faktin se Edmondi është një biznesmen.

"Nuk ka lidhje me biznesin dhe financimin e një grupi të strukturuar kriminal. E dimë potencialin ekonomik që ka Edmond Haxhia".

drejt ardian nikulaj edmond haxhia