Dhunë dhe pengmarrje nga klientët/34-vjeçari bën për spital avokatin e gruas, 74-vjeçari mban peng avokaten për pronën

Një avokate u mbajt peng nga një 74-vjeçar në Korçë për shkak të zvarritjes së procesit gjyqësor për një pronë, ndërsa një mbrojtjes ligjor në Fier u dhunua nga një 34-vjeçar në proces divorci.

Në mure kanë mbetur njollat e gjakut si dëshmi e dhunës.

Avokati Ergys Selmani u sulmua në zyrën e tij  pranë mjediseve të Gjykatës së Fierit. 

Autori i dhunës është një 34-vjeçar që sipas burimeve ishte në proces divorci, ndërsa avokati Selmani ishte mbrojtës ligjor i bashkëshortes.

Debati ka qenë i ashpër në brendësi të zyrës, duke përfunduar në plagosjen e avokatit.

Ai u dërgua për ndihmë mjekësore në Spitalin e Fierit, ndërsa autori tashmë është në kërkim nga policia e Fierit.

Ngjarja në Fier ishte rasti i dytë në 24 orë kur avokatët bien pre e sulmeve për shkak të detyrës.

Një avokate u mbajt peng dhe u kërcënua në zyrën e saj në në Korçë nga një klient.

Autori ishte një 74-vjeçar, i cili do të hetohet në gjendje të lirë nga prokuroria. Një proces i tejzgjatur gjyqësor për çështje pronësie mësohet se ishte arsyeja e pengmarrjes.

Sipas dëshmisë së avokates, Nikollaq Çango e kërcënënoi me një pistoletë sportive pasi ajo nuk pranoi ti firmoste një shkresë jo ligjore.

Rastet e sulmeve të ndaj mbrojtjesvë ligjorë kanë qenë të vazhdueshme.

korce fier dhunohet avokati