U vra në atentat, kush ishte "Mond Çekiçi" pjesëtar i bandës së Durrësit, u lirua pas arrestimit se ishte me Covid
Mond Çekicci i ekzekutuar vetëm pak metër larg banesës së tij është personazh i njohur për policinë dhe dyshuar si anëtar I bandës së Durrësit, tre prej të cilëve janë rikthyer në qeli.
Në 24 shtator të vitit 2020 ai është arrestuar me akuzën e armëmbajtjes pa leje ku i është sekuestruar dhe një pistoletë i kalibrit 9 milimetër dhe me rreth 90 fishekë.
Por në gjykatë prokurorja e çështjes i ka kërkuar gjykatës arrest shtëpie me argumentin se kishte simptoma të Covid 19.
Në atë kohë përfaqësuesja e akuzës ka deklaruar se autori është ndaluar edhe më parë për të njëjtën akuzë, por për shkak të pandemisë u kërkua një masë më e lehtë.
Vetëm pak ditë më pas prokurorja ka kërkuar dorëheqjen nga detyra duke iu drejtuar me një shkresë këshillit të lartë të prokurorisë. Kërkesë e cila është pranuar.
Rezulton se 40 vjeçari është arrestuar edhe në vitin 2009 me dy vite burgim po me akuzën e armëmbajtjes.
Ndërsa në një raport të ministrisë së brendshme emri i tij përmendet si person i rrezikshëm dhe anëtar i bandës së Durrësit.
Aktualisht ai duhet të ishte ende nën masën e arrestit në shtëpi, por thyerja e saj duket se i ka kushtuar jetën.
Madje mësohet se edhe më parë ai e ka shkelur këtë masë, por nuk ka pasur një reagim për ta detyruar të qëndrojë në vetë izolim apo për kthimin e tij në qeli.
Pamjet nga automjeti flasin qartë për një vrasje të mirëmenduar.
Ndërsa kujdesi për të mos plagosur drejtuesin e mjetit tregojnë se agresorët kanë ruajtur të gjitha lëvizjet dhe se flitet për vrasës të përgatitur