FOTO/ Iluzion optik apo realitet? Makinat klasike që u kthyen në vizatime 2D nga artisti Joshua Vides

Në Muzeun e Automobilave Petersen në Los Angeles po mbahet një ekspozitë e veçantë arti e quajtur "Flat Out". Disa nga veturat klasike më të njohura në botë janë pikturuar plotësisht me dorë për të krijuar iluzionin optik sikur janë skica dydimensionale (2D) të shkputura nga faqet e një libri komik.

Ideatori i kësaj ekspozite është artisti i njohur Joshua Vides, i cili ka bashkëpunuar më parë me marka të mëdha si BMW, Fendi, Formula 1 dhe NBA.

Makinat klasike (përfshirë modele të vjetra Mercedes, Porsche dhe Ferrari) fillimisht janë lyer tërësisht me ngjyrë të bardhë. Më pas, me anë të vijave dhe detajeve të zeza të ndërlikuara, u është dhënë pamja karakteristike e vizatimeve me dorë.

Veturat nuk janë të vetmet që morën këtë trajtim; i gjithë garazhi i improvizuar ku ato janë vendosur është pikturuar me të njëjtin stil, duke fshirë kufirin mes realitetit dhe artit.

Ekspozita unike po zhvillohet në Muzeun Petersen në Los Angeles dhe do të jetë e hapur për vizitorët deri në korrik të vitit të ardhshëm (2027). /Telegrafi/

1111png

2222png