“Ta bëjmë Spanjën të madhe përsëri”/ Ferran Torres shkakton reagime me kapelën e tij

Festa e kombëtares spanjolle në sheshin Cibeles pas triumfit në Kupën e Botës 2026 është shoqëruar me shumë momente të paharrueshme, por një prej tyre ka tërhequr vëmendjen më të madhe në rrjetet sociale.

Sulmuesi Ferran Torres u bë protagonist i festimeve pasi u shfaq me një kapelë të kuqe me mbishkrimin “Ta bëjmë Spanjën të madhe përsëri”, një frazë që menjëherë u lidh me sloganin e famshëm politik amerikan “Make America Great Again” të Donald Trump.

Aksesori i futbollistit spanjoll shkaktoi reagime të shumta online, me tifozë dhe përdorues të rrjeteve sociale që nisën diskutime mbi kuptimin e mesazhit.

Torres e mbajti kapelën gjatë gjithë paradës me autobusin e hapur dhe më pas edhe në skenën e festimeve në Madrid, ku kombëtarja spanjolle festoi titullin e dytë të Kupës së Botës.

Përtej debatit të krijuar, sulmuesi nga Valencia vazhdoi të jetë në qendër të vëmendjes edhe për paraqitjen e tij në fushë, pasi u shpall lojtari më i mirë i finales.

Kapela e tij është kthyer tashmë në një nga imazhet më të komentuar të festimeve të Spanjës pas triumfit historik.