Haklaj: Reforma zgjedhore dhe mbështetja për SPAK-un, çelësi i ndryshimit politik

Ish-deputeti Azgan Haklaj deklaroi se protesta qytetare, e cila sipas tij ka hyrë në ditën e 52-të, është tashmë një lëvizje e konsoliduar që synon rrëzimin e establishmentit politik të 35 viteve të fundit. Në një intervistë për" Ora News", ai tha se protesta ka ruajtur karakterin e saj qytetar, pavarësisht përpjekjeve për ta politizuar apo për ta orientuar drejt përplasjes.

Haklaj u shpreh se në protestë marrin pjesë qytetarë me bindje të ndryshme politike, por sipas tij ata bashkohen nga një kërkesë e përbashkët: largimi i klasës së vjetër politike. Ai akuzoi kryeministrin Edi Rama dhe kreun e Partisë Demokratike, Sali Berisha, se kanë bashkëqeverisur dhe kanë ndërtuar atë që e cilësoi si "Republika e korrupsionit", ndërsa tha se protesta përfaqëson një "referendum qytetar" kundër këtij modeli.

Sipas ish-deputetit, mbështetja për Strukturën e Posaçme Kundër Korrupsionit dhe Krimit të Organizuar (SPAK) mbetet një nga kërkesat kryesore të protestuesve. Ai pretendoi se në të kaluarën ka pasur marrëveshje politike mes Ramës dhe Berishës për të dobësuar SPAK-un, duke përmendur si shembull debatet për amnistinë penale.

Haklaj tha se ndryshimi politik nuk mund të arrihet vetëm përmes ndëshkimit të individëve, por kërkon edhe reformim të sistemit zgjedhor. Ai kërkoi lista të hapura, sistem proporcional kombëtar dhe garantimin e votës së lirë e të barabartë, duke argumentuar se përfaqësimi aktual krijon pabarazi mes qarqeve.

Në intervistë ai u shpreh gjithashtu në favor të forcimit të institucioneve kushtetuese, si Kontrolli i Lartë i Shtetit dhe Inspektorati i Deklarimit dhe Kontrollit të Pasurive, të cilat, sipas tij, duhet të mbështesin punën e SPAK-ut në luftën kundër korrupsionit.

Duke folur për arsyet e pjesëmarrjes së tij në protestë, Haklaj tha se është në shesh si përfaqësues i Demokratëve Euroatlantikë, pasi, sipas tij, kërkesat e kësaj force për një "Republikë të re", referendum, reformë zgjedhore dhe mbështetje të drejtësisë përputhen me kërkesat e protestës qytetare.

Në përfundim, ish-deputeti theksoi se protesta nuk është vetëm një reagim ndaj qeverisë, por një lëvizje më e gjerë kundër sistemit politik të krijuar gjatë tre dekadave të fundit, duke shtuar se, sipas tij, qytetarët kërkojnë një kontratë të re mes zgjedhësve dhe përfaqësuesve të tyre.

Azgan Haklaj: Po ju jap dy libra, njëri është manifestimi i kombit shqiptar dhe përballja, SPAK kundër krimit të jakave të bardha. E përdora këtë pyetjen tuaj. Faleminderit për mundësinë që më dhatë. Sigurisht, sot është dita e 52-të e protestës qytetare tashmë e institucionalizuar. Pra, për herë të parë kemi një protestë, pavarësisht përpjekjeve disa herë për ta kapur edhe për t'i dhënë drejtim të dhunshëm, protesta ia ka dalë që ta kontrollojë, të kontrollohet dhe është e vetmja protestë në vite që është një protestë qytetare. Dhe rezultati i parë që ka arritur është që të gjitha faqet e para të gazetave botërore apo të televizioneve janë kushtuar qytetarisë. Janë kushtuar qytetarisë së protestës.

Ka patur përpjekje për ta pronësuar, për ta përvetësuar, grupe të ndryshme, s'ka gjë. Domethënë ka njerëz me parti, pa parti, të partive të ndryshme, por ajo që i bashkon... që i bashkon, kërkesa imediate: rrëzimi i establishmentit të vjetër 35-vjeçar. Sigurisht që është e arritshme, asgjë s'ka të pamundur. Ka njerëz të paaftë që s'e bëjnë dot të pamundurën të mundur. Por problemi është që ka përpjekje për të mbijetuar e dyshes Rama-Berisha, ortakët e hajnisë që kanë konstruktuar Republikën e Korrupsionit të vitit 2008 me asgjësimin e institucionit të votës së lirë, si gur themeli i shtetit të së drejtës.

Pra, kërkesa është kundër këtij trinomi, sepse ka qenë dhe një tjetër, zoti Meta, i cili tani është në qeli. Dhe kemi një marrëveshje tjetër të zotit Berisha me zotin Rama për të zgjatur jetën e kësaj republike të diktaturës së korrupsionit. Pra, një diktaturë korrupsioni. Kemi pra një popull në shesh, një referendum qytetar që po i bën një Nuremberg, të thënë kështu figurativisht, kësaj republike të korrupsionit.

 Kemi pra një popull të çuar, një referendum qytetar që po i bën një Nuremberg, do të thënë kështu figurativisht, kësaj republike të korrupsionit. Titaniku i Ramës dhe i Berishës po mbytet. Shpresa e tyre është të shpëtojë njëri që të shpëtojë çfarë të mundet nga tjetri. Por është krejtësisht e pamundur. Tani është një popull koshient që Berisha dhe Rama kanë qenë bashkë. Janë bashkë dhe fundin e kanë të dy bashkë. Dhe gjithkush tashmë e din, e ka të qartë çdo demokrat që Berisha është patriark i zotit Edi Rama. Sot Rama ka udhëtuar drejt Thethit, ka shkuar në vendin e krimit për të bërë prezent paketën e maleve. Për paketën e maleve.

Opozita e shitur nuk shkoi fare. Kurse tek investimet strategjike dhe tek zonat e mbrojtura opozita bën të zhurmshme me molotov, me flakadanë, edhe kur u miratua buxheti të njëjtën gjë bënte opozita. Tani u kujtuan për t'ia rrëmbyer këtij sheshi apo këtij poli të tretë, do të thoja, kauzat. Dhe përgjigjen e morën dje. A e patë përgjigjen? Tenton Albana Vokshi që të thotë në parlament që jemi përfaqësuesit e tyre. Dhe përgjigja erdhi siç thotë populli dhëmb për dhëmb, ose flakë për flakë.

Dëgjon sot zotin Rama, nuk e di as ligjin 7501, pra ishte aq i ngatërruar as i hutuar sepse aq shumë është goditur sa nuk po e merr dot veten. Berisha akuzon Ramën se po çon paratë jashtë shteti, siç ka thënë Eurodeputeti i Parlamentit Europian. Kurse Rama akuzon Berishën se ka blerë influencë apo është përpjekur ta heqë 'non gratën' me gjashtë milionë euro. Kujt ia kanë marrë këto para? Pra, për këtë është SPAK-u, i cili po përballet me korporatën, krimin e organizuar, oligarki dhe politikë. Ose thënë ndryshe, me regjimin, me regjimin.

Një herë pse jam, një herë pse jam unë në protestë. Unë si përfaqësues i Demokratëve Euroatlantikë, si ish-deputet, pse jam në atë protestë? Sepse kërkesat që kemi patur ne janë unike me kërkesat që ka sot protesta. Ne kemi kërkuar atëherë, Republikë. Folësi 2: Këta i thonë Shqipëria e Re. Por është e njëjta gjë, Shqipëria e Re me Republikë 3. Po ne e shohim dhe sot, që gurëthemel të Republikës 3, referendumin, se referendumi përcakton sistemin dhe referendumi mbështet SPAK-un. Se SPAK-u godet individët, po SPAK-u nuk e godet dot sistemin.

Individët e sistemit. Ne kërkojmë listat e hapura  dhe sistem zgjedhor proporcional kombëtar. Sepse mund të arrish Shqipërinë, por nëse bën zgjedhjet në këtë kod zgjedhor, të njëjtën gjë do prodhosh. Pra kërkojmë listat e hapura, votë e lirë, e ndershme, e barabartë, nën dy të kushtetutës. Sepse përfaqësimi është i zhdrejtë. Një deputet në Kukës del me 13 mijë e 500 vota, një deputet në Vlorë del me 8 mijë e 500 vota, një deputet në Tiranë diku me 13 mijë vota. Pra ne kërkojmë përfaqësim të drejtë, kërkojmë kontratë sociale të re sociale të zgjedhësve me të zgjedhurin.

Pas nënshtrimit të një vetingu. Kërkojmë mbështetje të institucioneve kushtetuese. Kërkojmë mbështetje pa asnjë ekuivok të SPAK-ut. Dhe mbështetje të dy institucioneve kushtetuese, siç janë Kontrolli i Lartë i Shtetit dhe Instituti i Deklarimit të Pasurive. Pra që janë dy institucione që janë furnitore, distributore me informacion të SPAK-ut. Dhe dyshja Rama-Berisha, kanë bërë disa herë ujdi për të goditur SPAK-un. Nëse ju vjen në mendje këtu, amnistia penale, amnistia penale... Po sigurisht pra, pati një marrëveshje të zotit Berisha me zotin Rama, për ta goditur SPAK-un dhe e pati një përpjekje për ta bërë Lulzim Bashën.

Kërkojmë mbështetje të institucioneve kushtetuese. Kërkojmë mbështetje pa asnjë ekuivok të SPAK-ut. Dhe mbështetje të dy institucioneve kushtetuese, siç janë Kontrolli i Lartë i Shtetit dhe Instituti i Deklarimit të Pasurive. Pra që janë dy institucionet që janë furnitore, distributore me informacion të SPAK-ut. Dhe dyshja Rama-Berisha kanë bërë disa herë ujdi për të goditur SPAK-un. Nëse ju vjen në mendje juve këtu amnistia penale, amnistia penale... E kemi diskutuar si një lëvizje politike për të goditur, në thonjëza, SPAK-un. Po sigurisht pra. Dhe patën një marrëveshje, zoti Berisha me zotin Rama, për ta goditur SPAK-un dhe pati një përpjekje për ta bërë Lulzim Bashën bashkëpunëtor në këtë.

Lulzim Basha nuk pranoi. Rama i mori vulën dhe ia dha zotit Berisha. Dhe tani ky popull qytetar, ky referendum, ky plebishit, ky tajfun që ka 35 vite që po zien për të shpërthyer, është kundër aleancës së kullave dhe vulave. Pra, pas çdo përplasje, pas çdo teatri në parlament, kemi një aleancë: një kullë, një vulë. Dhe marrëveshja e re e zotit Berisha. Absolutisht. Kullën e madhe të Tiranës, kush po e ndërton? Kush e ka marrë lejen, kush i ka paratë? Ilir Shtufi. Kush e ka lejen? Shkëlzen Berisha.

Dhe tani Berisha dhe Argita, Shkëlzeni dhe Argita po zbrazin llogaritë. Rama, siç thotë ish-deputeti, apo siç thotë Berisha sot, po transferon paratë jashtë. Po çfarëdo që të bëjnë ata, e kanë të pamundur, mund të blejnë pak kohë, por e kanë të pamundur pa u përgjigjur. Sepse 35 vite që ata tallen me inteligjencën e këtij populli. Pra, tani ky nuk është thjesht një zgjim për demokracinë.Sigurisht pra. Ata po e quajnë popullin të pafuqishëm, pa nerv për të protestuar.