Skënder Lilaj: Ja pse Ronaldo nuk po arrin dot nivelin e Messit të katër viteve më parë

Një debat i ndezur ka pushtuar panelet e analizës sportive, ku në qendër të vëmendjes është forma aktuale e Cristiano Ronaldos dhe krahasimi i tij me rivalin e përjetshëm, Lionel Messi. Ndryshe nga çfarë pritej, legjenda portugeze duket se ka pësuar një rënie drastike nga forma e tij optimale, duke mos arritur të ketë të njëjtin ndikim që kishte Messi katër vite më parë.

Futbollisti Skënder Lilaj i ftuar në emisionin “Ora Botërorit” në “Ora News” u shpreh se shkaku kryesor i kësaj distance në performancë lidhet drejtpërdrejt me moshën.

Pavarësisht rënies së yllit të tyre, Kombëtarja e Portugalisë mbetet një makineri e frikshme në fushën e blertë. Ai thase skuadra luzitane nuk ka asnjë mungesë në kualitet, duke e barazuar atë me superfuqi si Franca apo Anglia.

Madje, mesfusha portugeze vlerësohet aktualisht si një ndër më të mirat në botë, duke lënë pas edhe vetë atë franceze. Megjithatë, mungesa e sulmuesve shpërthyes në krahë, siç ka Franca me emra si Mbappe apo Dembele, e shton akoma më shumë ngarkesën tek numri 7 i Portugalisë.

Faktori më shkatërrues për Ronaldon në këtë fazë të karrierës nuk është thjesht ana fizike, por presioni psikologjik.

Pritshmëritë stratosferike të publikut e kanë kthyer situatën në një thikë me dy presë. Kjo trysni e jashtëzakonshme bën që çdo lëvizje e tij të jetë nën lupë dhe çdo gabim të çojë në një kryqëzim të pamëshirshëm nga kritikët, duke e shndërruar rrugëtimin e tij aktual në një fushë të mbushur me pengesa të vështira.

NDIQNI EMISIONIN E PLOTË