Besiktasi i vendos ultimatum Mohamed Salahut/ 24 orë kohë për të pranuar ofertën 15 milionë euro në sezon

Besiktasi ka bërë një lëvizje të fortë për të transferuar Mohamed Salahun, duke i paraqitur sulmuesit egjiptian një ofertë të fundit dhe duke i vendosur një afat të shkurtër për të marrë vendimin.

Sipas mediave turke, klubi nga Stambolli i ka dhënë Salahut vetëm 24 orë kohë për të pranuar ose refuzuar propozimin, i cili përfshin një paketë financiare të jashtëzakonshme.

Oferta e Besiktasit përfshin një kontratë dyvjeçare me një pagë prej 15 milionë eurosh në sezon. Nëse marrëveshja finalizohet, Salah do të bëhej një nga futbollistët më të paguar në historinë e futbollit turk.

Drejtuesit e klubit turk kanë bërë të qartë se nuk duan negociata të gjata dhe kërkojnë një përgjigje të shpejtë nga sulmuesi 34-vjeçar.

Salah aktualisht është pa kontratë pas përfundimit të aventurës së tij me Liverpoolin dhe e ardhmja e tij mbetet një nga temat më të diskutuara të merkatos së verës. Një kalim te Besiktasi do të ishte një nga transferimet më të bujshme të futbollit turk.