Arsenali po mendon të firmosë me Vinicius...

Vinicius, 26 vjeç, është jashtë kontratës në vitin 2027 dhe, për momentin, nuk ka rinovuar ende me Real Madridin.

Një takim midis lojtarit dhe klubit në lidhje me rinovimin është në pritje. Dallimet janë financiare dhe për momentin, asnjëra palë nuk ka ndërmend të lëvizë. 

Megjithatë, Vinicius nuk planifikon të largohet nga Real Madridi këtë verë dhe klubi nuk e parashikon mundësinë që braziliani të largohet falas vitin e ardhshëm.

Duke pasur parasysh këtë situatë me Viniciusin dhe Real Madridin, Arsenali ka treguar interes të madh për të ardhmen e brazilianit.

The Athletic raporton se Arsenali po shqyrton nënshkrimin e Viniciusit, me kusht që ai të mos rinovojë kontratën e tij me Real Madridin.

Gazeta zbulon se, për momentin, ky nënshkrim është një ide që ka miratimin e të gjitha palëve të përfshira te Arsenali, por nuk ka pasur bisedime midis klubeve për të diskutuar nënshkrimin e mundshëm të Vinicius.

Nga ana tjetër, te Real Madridi ka nga ata brenda klubit që e kanë të qartë se nëse Vinicius nuk e rinovon kontratën këtë verë, ata do ta nxjerrin në treg pa hezitim.

Diçka që, për momentin, drejtuesit e lartë të klubit nuk po e marrin në konsideratë.