Këshilli i Evropës ngre shqetësime për trajtimin e rastit të dh*nës policore në Serbi!

Komisioneri për të Drejtat e Njeriut i Council of Europe, Michael O’Flaherty, ka shprehur shqetësim për raportimet se procedurat penale ndaj disa zyrtarëve policorë të dyshuar për keqtrajtimin e rëndë të një studenteje gjatë protestave në Beograd në korrik të vitit 2025 mund të ndërpriten.

Në një deklaratë publike, O’Flaherty paralajmëroi se një vendim i tillë mund të dëmtojë besimin e qytetarëve te institucionet e rendit dhe drejtësisë. Sipas tij, mosndëshkimi i rasteve të dyshuara të abuzimit nga zyrtarët shtetërorë rrezikon të krijojë një klimë pandëshkueshmërie dhe të minojë sundimin e ligjit.

Komisioneri theksoi se veçanërisht rastet që lidhen me protestat dhe ushtrimin e të drejtave themelore të qytetarëve duhet të trajtohen me transparencë dhe seriozitet nga autoritetet kompetente.

“Ndërprerja e procedurave penale për sjellje serioze të pahijshme të policisë përmes ndjekjes së shtyrë rrezikon të minojë më tej besimin në organet e zbatimit të ligjit dhe të përforcojë klimën e pandëshkueshmërisë”, deklaroi ai.

Reagimi i Komisionerit vjen në një kohë kur çështja ka nxitur debat publik në Serbi, ndërsa organizatat për të drejtat e njeriut kanë kërkuar hetim të plotë dhe përgjegjësi për çdo shkelje të mundshme të kryer gjatë protestave.