Vendimi i KQZ-së ndaj Berishës, avokati Nuri: Alibeaj e bllokoi qëllimisht. Ja çfarë do të bëhet sot

Nga Katerina Hysenllari Përditësimi i fundit 15 Mars 2023, 09:46

Franc Nuri, përfaqësuesi ligjor në Komisionin Qendror të Zgjedhjeve i Partisë Demokratike grupimit që drejtohet nga Sali Berisha në një intervistë në studion e lajmeve në “Ora Neës” shpjegoi procedurën se çfarë do të ndodhë me PD-në dhe kandidatët e saj të dalë nga procesi i Primareve, proces iky i njohur dhe nga aleati kryesor i kampit opozitar, Partia e Lirisë që drejtohet nga Ilir Meta.

“Pasi ishte bërë njoftimi t premten nga z. Celibashi për bashkimin e të dy kërkesave, ne u ankuam në KAS dhe pasi u shpreh të hënën duke e detyruar atë që të shprehet dhe të marrë një vendim, dje mori atë vendim që ishte paralajmëruar. Brenda ditës së sotme do të depozitojmë në KAS ankimimin e firmosur nga z. Berisha dhe kemi punuar gjatë gjithë natës, por po presim dhe vendimin e zbardhur të z. Celibashi.

Vendimi i Apelit u la 3 ditë para përfundimit të afatit, dhe kjo nuk është rastësi asi çdo gjë është bërë enkas nga institucionet e pushtetit për të pamundësuar pjesëmarrjen e opozitës në zgjedhje. Ne kemi të drejtën tonë të ankimohemi në instancat më të larta se KQZ në KAS apo Kolegj Zgjedhor.

Dokumentacionit tonë nuk i mungonet asgjë që të njihte kërkesën toinë të përfaqësuar nga z. Berisha.

Pala që përfaqësonte z. Basha e pranoi publikisht që Lulzim Basha nuk është më kryetar. Por ky akt që nuk është bërë ligërisht dorëheqja është e qëllimshme. Unë kam marrë pjesë te gjyqi në Apel, avokatët e z. Alibeaj deklaruan që të hënën ne do të tërheqim regjistrimin e z. Basha, dhe ata nuk e kanë bërë qëllimisht këtë gjë, pasi po fshihen pas këtij teknikaliteti duke dashur qëllimisht që në letra të ekzistojë ligjërisht Lulzim Basha kryetar. Këtë e konstaoi dhe vetë kreu i KQZ-së, i cili u tërhoqi vëmendjen se kur atyre iu intereson thonë që z. Basha është kryetar, e kur jo nuk e thonë këtë.

Fatkeqësisht, këto teknikalitete kanë shkaktuar që PD-ja e përfaqësuar nga z. Berisha të mos regjistrohet me logo dhe vulë, por kjo nuk do të thotë që ne të mos marrim pjesë në zgjedhje.

Sot do të depozitojmë kërkesën për regjistrimin e koalicionit. Sot në orën 14:00 është parashikuar mbledhja e grupit parlamentar dhe pas kësaj do të ketë dhe zhvillime. Por e sigurtë është që ne do të hymë në zgjedhje me koalicion”, u shpreh Nuri.

sali berisha lulzim basha zgjedhjet e 14 majit zgjedhjet vendore partia demokratike pd zgjedhjet alibeaj kqz franc nuri kas