Komision Hetimor për Ramën, Meta: Përdori ish-zyrtarin e FBI kundër opozitës, bëri çorapë Ballkanin

Kryetari i Partisë së Lirisë e konsideron të turpshëm vendimin e mazhorancës për të mos lejuar Komision Hetimor për rastin McGonigal.

Kryeministri Edi ERama sipas Ilir Metës ka shfrytëzuar pushtetin për të sulmuar opozitën, duke përdorur zyrtarët e lartë të FBI-së.

Ndaj duke kërkuar edhe largimin e Edi Ramës, ai apeloi edhe deputetët e PS-së.

"Ti vënë gishtin kokës sa nuk është vonë dhe të mos sillen më si kukulla për të mbuluar skandalet e Edi Ramës."

Madje Meta shprehet se Rama ka shrytëzuar ish-zyrtarët e FBI për të ndikuar edhe në vendet e Ballkanit.

"Zotërinë edhe në vendet e tjera të Ballkanit e ka dërguar ky zotëria këtu, që siç bëri çorapë Shqipërinë, kërkonte dhe kërkon të bëjë çorapë dhe Ballkanin."

Në deklaratën për mediat Meta solli në vëmendje rastin e dorëheqjes së Presidentit amerikan, teksa e akuzoi për korrupsion.

"Në kohën e presidentit Nikson ai dha dorëheqje se doli që kishte bërë një përgjim ndaj opozitës."

Meta kujtoi se porositë e para Rama i kishte dhënë për ta sulmuar kur ai ishte President.

"I ka dhënë kundër presidentit nën detyrë në atë kohë, Ilir Metës. Tre porositë e para për të bërë hetime të paligjshme."

Pa folur për mediat, Meta aludoi se zyrtarët e lartë të FBI-së ishin përdorur edhe për raste të tjera, ndërsa publikoi dokumentin ku ata kishin hapur sipërmarrje në Shqipëri.

"Janë takuar këtu pa raportuar në vendin e tyre edhe me prokurorë, edhe me gjykatës, edhe me njerëz të drejtësisë, edhe me shumë biznesmenë të tjerë dhe janë përdorur nga Edi Rama."

Duke u shprehur pro protestave me tone të forta, Meta dha një tjetër paralajmërim për Kryeministrin.

"Shqiptarët nuk i përdhunon dot! Çmimin le ta zgjedhë vetë dhe ta zgjedhë sa më parë!"

agjenti i fbi charles mcgonigal ilir meta