Në pritje të emrit të Princit

Princi Willian dhe bashkëshortja e tij  kanë  thënë se ata janë ende duke punuar për të gjetur një emër  për djalin e tyre, i cili ka kaluar natën e tij të parë në shtëpi pas largimit nga spitali. E gjithë bota pa një  paraqitje të shkurtër  të çiftit më fëmijën e tyre gjatë largimit nga Spitali i Shën Marisë.

Duke folur me gazetarët në shkallët e spitalit, William tha se ata do të zgjedhin një emër "sa më shpejt të munden.

Por tifozët mbretërore duket se do të presin edhe disa kohë, pasi në vitin 1982 emri Princi William u njoftua vetëm pas një jave. Emri George është favorit nga shumë  emrat e tjerë të përfolur. James dhe Alexander janë në mesin e emrave të tjerë në diskutim.

Princi, i lindur të hënën në orën 16:24 minuta është i treti në radhë për marrjen e Fronit të Mbretërisë së trashëgueshme të Anglisë.

Mbretëresha Elizabeth nuk ka shkuar në spital për ta vizituar stërnipin, për shkak të angazhimeve të saj, por ka thënë se është e mrekulluar nga lindja e “foshnjës Kembrixh”, siç po quhet tani në mungesë të emrit.

Lindja e Mbretit të ardhshëm ka shënuar, sipas historianëve mbretëror, një ndryshim të madh dhe reformim të traditës mbretërore. Pikërisht, lindja e tij ka shënuar sanksionimin e barazisë gjinore për pasuesit e Mbretërisë, pasi me vendim parlamentar u sanksionua se, pavarësisht nga seksi, fëmija i lindur do të ishte Mbreti ose Mbretëresha e ardhshme, që në lindje.

Princi Uilliam, duke iu përgjigjur pyetjeve të gazetarëve, me humor tha se “fatmirësisht ai ka buzët e së ëmës”. Duke mbajtur Princin e vogël në dorë, ai tha se foshnja rëndon shumë. Ndërsa Dukesha tha se është një moment shumë i veçantë dhe jemi shumë të emocionuar.

Princi, pasi e nxorri foshnjën me një sedilje për fëmijët, siç e kërkojnë rregullat e qarkullimit për fëmijët, që udhëtojnë me makinë, u largua bashkë me familjen e re të shtuar, duke i dhënë vetë makinës.

Me rastin e lindjes së djalit në familjen mbretërore në Britani festime janë organizuar edhe në vendet e tjera të Komonuelthit.