VIDEO/ “Avatar” në jetën reale! Pamje mahnitëse nga Zelanda e Re, mijëra insekte ndriçojnë shpellën Waitomo Glowworm

Një nga mrekullitë më të veçanta natyrore në botë ndodhet në Zelandën e Re, ku Shpella Waitomo Glowworm ofron një spektakël që duket sikur ka dalë nga një film fantastiko-shkencor.

Brenda saj, qindra insekte biolumineshente mbulojnë tavanin dhe muret e shpellës, duke lëshuar një dritë blu të ndezur që krijon iluzionin e një qielli të mbushur me yje. Pamja magjepsëse i ka bërë shumë vizitorë ta krahasojnë këtë vend me botën imagjinare të filmit “Avatar”.

Këto insekte përdorin biolumineshencën si një mekanizëm për të tërhequr prenë. Drita që prodhojnë mashtron insektet e tjera, të cilat afrohen dhe përfundojnë të kapura në fijet ngjitëse të krijuara prej tyre.

Shpella Waitomo është një nga destinacionet turistike më të njohura të Zelandës së Re, por fenomene të ngjashme mund të gjenden edhe në shpella të tjera të vendit. Kombinimi i errësirës së thellë me mijëra pika ndriçuese krijon një atmosferë unike, duke e kthyer këtë vend në një nga mrekullitë natyrore më mbresëlënëse në botë.