“Vdes” kometa e shekullit, zhduket drejt diellit pas 5 milionë vitesh

E cilësuar si kometa e shekullit, është shkatërruar.  Shkencëtarët thonë se udhëtimi pesë-milionë vjeçar i kometës ISON nga skajet e largëta të sistemit diellor, duket ka përfunduar me një udhëtim pa kthim rreth diellit.

Astronomët thonë se kometa, me një bisht të gjatë e të ndritshëm, kaloi vetëm 1.2 milionë kilometra nga sipërfaqja e diellit. Një numër teleskopësh nuk arritën të kapin gjurmë të kometës pas atij momenti.

Në distancën më të afërt me diellin, gjatë udhëtimit me shpejtësi 350 kilometra në sekond, kometa mund të ketë kapur temperaturën 2700 gradë celcius. Shkencëtarët thonë se temperaturat ishin të mjaftueshme për të shkrirë akullin që përbënte trupin e kometës, si dhe pluhurin dhe shkëmbinjtë në përbërjen e saj.

Mendohet se kometa ISON përmbante mbetje të ngrira nga formimi i sistemit diellor rreth 4.5 miliardë vjet më parë. Ison kishte mahnitur vëzhguesit e qiellit që pas zbulimit të saj nga Vitali Nevski dhe Artyom Novichonok në vitin 2012.