Pesë shtetet ku patentat shqiptare njihen e konvertohen pas një vit qëndrimi

Nga OraNews Përditësimi i fundit 3 Gusht 2016, 15:46

Në Shqipëri konvertohen dhe njihen patentat nga 87 vendet e ndryshme të botës, por patentat shqiptare njihen vetëm në 5 shtete. Autoritetet e Drejtorisë së lejeve të drejtimit sqarojnë se marrëshjet ekzistuese janë në fuqi prej disa viteve, ndërsa po kryen negociatat që patentat shqiptare të njihen edhe në Bosnje Hercegovinë që do e çonte në 6 numrin e marrëveshjeve respektive.

Patentat e 87 shteteve njihen në Shqipëri në bazë të marrëveshjes së Drejtorisë së Shërbimit të Transportit Rrugor me autoritetet respektive.

Drejtoria e lejeve të drejtimit qartëson opinionin publik se në këtë rast nuk bëhet fjalë që patentat e lëshuar në vendin tonë të njihen në këto shtete, por këto patenta të huaja konvertohen në Shqipëri sipas ligjit dhe procedurave përkatëse.

Shkelqim Gruda: Lista është e ndarë në tre kolona, kolona e parë është shtetet që bëjnë pjesë në Konventën e Vjenës, kolona e dytë është shtetet e BE, kolona e tretë është shtetet të cilat kemi marrëveshje.Ne si Drejtori jemi të detyruar që të gjithë personat të cilët vinë nga këto shtetet me leje qëndrimi në Shqipëri t’ua konvertojmë lejen e drejtimit nga e huaj në shqiptare. Është në nenin 184 të Kodit Rrugor.Edhe të SHBA, edhe të Kanadasë, edhe këto shtete.

Janë vetëm 5 shtetet ku pas një viti qëndrimi mund të konvertohen dhe njihen patentat shqiptare.

Shkelqim Gruda: Kemi marrëveshje me Kroacinë, Italinë, Malin e Zi, Maqedoni dhe Kosovën. Ata e konvertojnë lejen e drejtimit nga shqiptare në të huaj.

Vetë drejtuesit e automjeteve kërkojnë që autoritetet e vendit të bëjnë përpjekje që të zgjerohet numri shteteve për njohjen e patentave shqiptare për shkak të lëvizjes së shpeshta për të punuar apo për të jetuar në vendet fqinje dhe jo vetëm.

Sipas Drejtorit të lejeve të drejtimit, vendi në të cilën po vijojnë negociatat për njohjen e patentave shqiptare është Bosnje-Hercegovina.

Lista e 87 shteteve, patentat e të cilëve njihen në Shqipëri

1. Armenia

2. Austria

3. Azerbajxhani

4. Bahama

5. Bahreini

6. Bjellorusia

7. Belgjika

8 . Bosnje Hercegovina

9. Brazili

10. Bullgaria