Vlorë, bregdeti pa tualete publike, qytetarët: Të detyruar të shkojmë në lokale

Vlorë- Mungesa e tualeteve publike detyrojnë qytetarët, vizitorët dhe turistët të shkojnë nepër bare dhe lokale për të kryer nevojat e tyre personale. Ne qytetin e Vlorës ka vetëm një banjo publike dhe ajo ndodhet tek Sheshi i Flamurit tek lulishtja e madhe dhe në të shumtat e rasteve rezulton të jetë e mbyllur.

Disa kohë më parë bashkia tenderoi dhe vuri në përdorim disa tualete portabël të lëvizshme e i shpërndau thuajse në pikat kryesore të qytetit nëpër lulishte si dhe nepër plazhe por tanimë për mungesë higjene ato u hoqën.

Te pyetur për këtë problem qytetarët kujtojnë kohën kur Vlora ishte më e vogël dhe kishte në çdo cep publik.

Vlen të theksojmë se e tërë vija bregdetare dhe plazhet publike nuk kanë asnjë tualet të vetëm publikë, ndërsa lokalet mbeten alternativë, ku për të përdorur tualetin je i detyruar të blesh dicka.

Të parët për lajmin e fundit. Ndiqni Oranews.tv në Facebook dhe në Twitter