Aksion antidrogë në Vaun e Dejës, Krujë e Lezhë, mijëra rrënjë të sekuestruara

Sera ose parcela të vogla kanabisi në mes të zonave të pyllëzuara malore!

Monitorimi me avionët e Guardia Di Finanza po zbulon zonat ku po kultivohet bimë narkotike, ndërsa policia e Shtetit poi  asgjëson.

2215 rrënjë kanabis sativa  u gjetën në një zonë të pyllëzua, 337 bimë në fshatrat Fushë Kuqe dhe Gërnac të  Kurbin dhe 31 rrënjë në Kosh të Lezhës.

Në total 2583 bimë narkotike të cilat u asgjësuan me djegie, por asnjë kultivues nuk u gjet dhe arrestua gjatë fazës së 9 të operacionit IMAZHI.

Skemë e njejtë edhe në Alpe.

830 bimë narkotike cannabis sativa që u gjetën të kultivuara në Pult dhe 200 tëe tjera në territorin e fshatit Vjerdhë, Vau i Dejës!

Por edhe këtu kultivuesit mbeten të paidentifikuar.

90 forca policore dhe 6 dronë u angazhuan për kontrollin e territorit në kuadër të fazës së 4 të operacionit megaoperacionit “Alpe të pastra”.

Në Fushë Thumanë ndërkohë një familje e kishte mbushur kopështin me 140 rrënjë kanabis në vend të perimeve.

Vesel Xhaferi u vu në pranga, ndërsa i biri u shpall në kërkim si kultivues!