Shakira dhe Beyoncé mahnitin internetin / Fotoja nga finalja e Botërorit bëhet virale

Një fotografi e Shakirës dhe Beyoncé gjatë finales së Kupës së Botës 2026 ka pushtuar rrjetet sociale, duke bërë që fansat të komentojnë pamjen dhe elegancën e dy ikonave të muzikës botërore.

Dy yjet u takuan në stadiumin MetLife në New Jersey, ku Shakira performoi në spektaklin e pjesës së parë të finales, ndërsa Beyoncé ishte e pranishme në tribunat VIP së bashku me bashkëshortin e saj, Jay-Z.

Fotografia e përbashkët e dy artisteve u shpërnda me shpejtësi në internet, ndërsa shumë përdorues shprehën habinë për paraqitjen e tyre rinore.

“Nuk mund ta besoj që Shakira është 49 vjeçe”, “Duken sikur kanë 20 vite më pak” dhe “Koha nuk kalon për to”, ishin disa nga komentet më të shumta të fansave.

Takimi i tyre riktheu edhe kujtimet për bashkëpunimin e famshëm “Beautiful Liar”, një nga hitet më të suksesshme të viteve 2000, duke ngjallur nostalgji te ndjekësit e të dyja artisteve.

Shakira ishte një nga protagonistet e spektaklit historik të pjesës së parë të finales së Kupës së Botës, ku interpretoi këngën “Dai Dai” me një veshje të personalizuar nga Roberto Cavalli, të dekoruar me mbi 200 mijë kristale Swarovski.

Ndërkohë, Beyoncé tërhoqi vëmendjen me paraqitjen e saj elegante në tribunat e stadiumit, duke konfirmuar edhe një herë statusin e saj si ikonë e modës.

Për fansat, fotografia e dy super yjeve nuk ishte vetëm një takim mes artisteve, por një moment që tregoi se stili dhe karizma e tyre vazhdojnë të mbeten të pandryshuara me kalimin e viteve.