Përfshihet nga flakët duke ecur mjeti në Berat, shpëton drejtuesi

Një mjet është përfshirë nga flakët duke qarkulluar në askin mes Urës së Goricës dhe Urës së Varur në Berat.

Mjeti tip Volswagen Polo,me targa AA 031 FO,mësohet se është përfshirë papritir nga flakët e zjarrit,duke krujuar frikë dhe panik në qendër të qytetit.Në momentin që mjeti u përfshi nga flakët në këtë aks kanë qënë duke qarkulluar shumë mjete të tjera,të cilat kanë ndaluar dhe kanë njoftuar menjëherë zjarrëfikësit.

Forca të shumta zjarrëfikësish kanë mbërritur në vendngjarje dhe falë ndërhyrjes së shpejtë të tyre është bërë e mundur nxjerrja pa lëndime nga mjeti e drejtuesit të tij,që ishte i vetëm në makinë në momentin e zjarrit.

Disa minuta më vonë janë lokalizuar flakët dhe është shuar zjarri,ndërkohë që qarkullimi në këtë zonē është paralizuar deri në shuarjen e plotë të flakëve të zjarrit në mjet.Burime nga Reparti i Shpëtimit nga Zjarri Berat pohojnë se po punohet për zbulimin e shkaqeve të zjarrit të papritur në mjetin tip Volswagen,që paraprakisht dyshohet se ka ndodhur për shkak të një defekti elektrik.