Threads kalon 500 milionë përdorues dhe forcon pozicionin ndaj X!

Rrjeti social Threads i kompanisë Meta Platforms ka arritur një tjetër rekord të madh: më shumë se 500 milionë përdorues aktivë në muaj. Platforma, e krijuar si rival i X, e ka arritur këtë shifër më pak se tre vjet pas lansimit. Meta njoftoi se krahas rritjes së numrit të përdoruesve, Threads po sjell edhe funksione të reja për ta përmirësuar përvojën në platformë. Ndër ndryshimet janë mjete të reja për personalizimin e përmbajtjes dhe veçori që synojnë të forcojnë komunitetet brenda aplikacionit.

Threads u prezantua në vitin 2023 si një alternativë ndaj Twitter-it të atëhershëm, tashmë X, dhe që nga fillimi ka pasur rritje të shpejtë falë lidhjes së tij me Instagramin. Rritja e Threads shihet si një sfidë e drejtpërdrejtë për platformën e Elon Musk. Edhe pse X vazhdon të ketë një bazë të madhe përdoruesish, Threads ka arritur të afrohet ndjeshëm dhe ka zgjeruar ndikimin në tregun e rrjeteve sociale.

Me këtë sukses, Meta po synon ta shndërrojë Threads në një nga platformat kryesore për komunikim publik online dhe një konkurrent serioz në hapësirën e rrjeteve sociale me bazë tekstin.

Threads do të ketë një veçori të re të quajtur Communities dhe siç sugjeron edhe emri, ka të bëjë me dhënien e një hapësire për t’u lidhur me njerëz që ndajnë interesat tuaja.

Threads është rritur me shpejtësi, kohët e fundit ka kaluar 400 milionë përdorues mujorë dhe Meta (gjithashtu pas Facebook, Instagram dhe WhatsApp) tani po e zgjeron atë me Communities. Kjo veçori u përfol vitin e kaluar , por më në fund është këtu, të paktën në fazën e testimit.

Anëtarësimi është mjaft i thjeshtë. Komunitetet në të cilat bëni pjesë do të vendosen në menynë tuaj të burimeve dhe do të etiketohen në profilin tuaj, në mënyrë që të gjithë të mund të shohin se çfarë ju pëlqen. Çdo komunitet ka edhe emojin e vet të personalizuar “Like” për shembull, Book Threads përdor një librat duke i dhënë çdo hapësire pak personalitet. Me Communities, tani është më e lehtë të zhytesh në biseda për të cilat vërtet interesohesh dhe të lidhesh me njerëz që ndajnë të njëjtin pasion.