VIDEO/ Shtyu djalin që mbledh topa gjatë ndeshjes ndaj Interit, futbollisti i Bayernit kërkon falje: U tregova budalla

Fundi i ndeshjes mes Interit dhe Bajern Mynihut në “San Siro” pa disa momente tensioni.

Bavarezët kërkonin golin që do u hapte kualifikimin dhe Josip Stanisiç vendosi të reagonte në mënyrë të pakëndshme ndaj një prej djemve që mbledhin topin rrotull fushës.

Mbrojtësi kroat i Bajernit e shtyu atë me forcë pasi ky i fundit largoi një top, duke vonuar disa sekonda lojën ndërsa bavarezët kërkonin të nguteshin.

Interistët reaguan dhe pat një sherr të vogël në fushë, me DImarkon që përfundoi i ndëshkuar me të verdhë.

Djaloshi u identifikua më pas të ishte Nikolas Torsolini, një lojtar i U16 të Interit.

Pas ndeshjes, Stanisiç kërkoi ndjesë për veprimin që kishte bërë.

“Çdo skuadër mundohet të kalojë koha, ata e bënë në një mënyrë më të mirë se të tjerat.

Ndoshta ishte pak budallallëk nga ana ime dhe më vjen keq që e shtyva.

Në atë moment isha pak i bezdisur nga fakti që po bënin këto lojëra. Më dukej e tepruar”, tha futbollisti pas ndeshjes.