Partizani, Colella: Derbi vendimtar, humbja na nxjerr nga loja (VIDEO)

Trajneri i Partizanit, Giovani Colella është i përqëndruar në derbi por ndryshe nga Orges Shehi ai beson se kjo është ndeshja që vendos sezonin e skuadrës së tij.

“Është një ndeshje shumë e vështirë e cila do të përcaktojë edhe fatet e këtij sezoni duke parë që diferenca është 2 pikë. Është normale që për të arritur te suksesi duhet të luash edhe ndeshje të tilla. Në këtë ndeshje vijmë mjaft mirë dhe si rrallëherë nuk kemi probleme me mungesat apo dëmtimet. Jemi shumë të qetë. Në të tilla ndeshje nuk ka shumë rëndësi taktika por përqëndrimi dhe karikimi që ka skuadra.

Nëse humbasim shkojmë 5 pikë dhe do të ishte e vështirë të rekuprojmë më pas sepse mbeten vetëm 3 ndeshje. Gjithsesi, edhe nëse e fitojmë derbin nuk do të jemi kampionë por kjo është një ndeshje shumë e rëndësishme për ne. Gjatë muajve të fundit skuadra ka ardhur në rritje dhe vijmë mirë në këtë ndeshje”.