Luka Modriç sfidon moshën! Kroati vendos një rekord të rrallë në futbollin europian

Luka Modriç vazhdon të tregojë se mosha nuk është pengesë për të mbetur në nivelet më të larta të futbollit. Mesfushori kroat ka regjistruar një arritje të veçantë, duke hyrë në historinë e kampionateve të mëdha europiane.

Sipas të dhënave të Opta-s, Modriç është i vetmi mesfushor mbi 35 vjeç në 20 sezonet e fundit që ka kompletuar 2000 pasime në një nga pesë ligat më të forta të Europës.

Kjo statistikë vjen si një tjetër dëshmi e vazhdimësisë, cilësisë teknike dhe kontrollit që kroati vazhdon të ketë në mesfushë, pavarësisht viteve të shumta në nivelet më të larta të futbollit.

Ndërkohë, Milani po përgatitet për sezonin e ri dhe ka vendosur të vazhdojë bashkëpunimin me Modriçin. Mesfushori kroat pritet të ketë një rol të rëndësishëm në skuadrën kuqezi, si në fushë ashtu edhe në grupin e lojtarëve.

Përvoja e tij, aftësia për të menaxhuar ritmin e lojës dhe cilësia në pasime e kanë kthyer në një element të rëndësishëm për Milanin që synon të ndërtojë një ekip konkurrues.

Me këtë rekord të ri, Modriç shton edhe një tjetër kapitull në një karrierë të jashtëzakonshme, duke treguar se klasi dhe inteligjenca në lojë mund të zgjasin përtej kufijve të zakonshëm të moshës.