VIDEO/ Tirana bie në Rrogozhinë, “i fal” titullin Partizanit, tifozët sulmojnë gjyqtarin, policia ua heq nga duart Kridens Metën

Nga OraNews Përditësimi i fundit 25 Maj 2023, 18:33

VIDEO/ Tirana bie në Rrogozhinë, “i fal” titullin

Tirana ia “dorëzon” titullin kampion Partizanit. Bardheblutë barazuan 2-2 në Rrogozhinë me ekipin ballshiot, ndërsa të kuqtë fituan 1-4 me Kastriotin në “Elbasan Arena”, duke i marrë kreun Tiranës falë avantazhit në ndeshjen e drejtpërdrejtë.

Në sfidën e zhvilluar në Rrogozhinë, dygolëshi i Hilës nuk mjaftoi për fitoren e bardhebluve, pasi skuadra ballshiote barazoi dy herë, fillimisht me Danladi, më pas me Adilin. Në fundin e ndeshjes tifozë të shumtë pushtuan fushën për të goditur arbitrin.

Dhuna në fundin e ndeshjes Tirana-Bylis u adresua ndaj gjyqtarit kryesor Kridens Meta për një penallti të dyshimtë e cila ndezi gjakrat e bardhbluve jo vetëm në pankinë, por edhe në shkallët e stadiumit.

Fillimisht ishte stafi dhe drejtuesit bardheblu që iu drejtuan arbitrit Meta për t’i kërkuar llogari për atë 11-metërsh të akorduar për më tepër pa u konsultuar as me sistemi VAR.

Pa kësaj do të ishin tifozët të cilët morën situatën në dorë duke mësyrë fushën e lojës drejt arbitrit, por reagimi i shpejtë i forcave të policisë që shoqëruan në brendësi të stadiumit gjyqtarin, bënë që të evitohej një skenë e mundshme dhe e shëmtuar që mund të degradonte në dhunë fizike.

Ndërkaq ky është momenti kur “xhaketa e zezë” rrezikoi shumë pasi tifozët hynë në fushën e lojës.

Në javën e fundit, Partizani, tashmë kryesues, pret Teutën, ndërsa Tirana luan në transfertë me Erzenin.

Sfidat e tjera

Sa i përket ndeshjeve të tjera takimi i vetëm i javës së 35-të, që përfundoi me rrjeta të paprekura ishte Kukësi-Erzeni.

Verdikti i vetëm përfundimtar, që dhanë rezultatet e javës së 35-të, është rënia matematikisht e Kastriotit në të Parën.

Sa i përket takimit të “Elbasan Arena” mes Kastriotit dhe Partizanit, të parët shënuan krutanët me Grecën, por përmbysja me golat e Rrapajt e Da Silvës që në pjesën e parë, ndërsa në pjesën e dytë shënuan edhe Murataj me Sotën.

Teuta rrëmbeu vendin e katërt, që i jep mundësi të luajë në Conference League, falë suksesit 1-0 përballë me golin e Vilës, ndërsa Vllaznia ndau pikët me Laçin, falë barazimit 1-1 në “Loro Boriçi”.

Kuqeblutë shënuan të parët me Balajn, por skuadra kurbinase barazoi me Guindo me 11-metërsh në minutën e 79-të.