Shtyhet seanca e Ramës për “McGonigal” edhe me 1 javë. 6 deputetë të PD-së sot në Komisionin e Etikës

Socialistët kanë gjetur një mënyrë origjinale për të shpëtuar kryetarin e tyre Edi Rama nga llogaridhënia para Kuvendit për lidhjet e tij me ish-zyrtarin e lartë të arrestuar të FBI-së, Charles McGonogal të akuzuar nga drejtësia amerikane se ka marrë financime ruse dhe agjenturë të dyfishtë.

Zgjatja e agonisë së përballjes me shpresën se me kalimin e ditëve kjo çështje do të zbehet ka ardhur nga Kryetarja e Kuvendit Lindita Nikolla, e cila ka anuluar seancën plenare të kësaj të enjteje me argumentin se kjo javë është “Javë e gjelbër” dhe, sipas zyrës së shtypit të Kuvendit, deputetët janë në zonat zgjedhore për takime me zgjedhësit.

“Ju njoftojme se, sipas kalendarit të punës së Kuvendit, të enjten, në datën 9 shkurt, nuk do të zhvillohet seancë plenare. Kjo javë është “javë e gjelbër” dhe deputetet janë në zonat zgjedhore për takime me zgjedhësit. Për seancën plenare të radhës do të keni një njoftim tjetër”, thuhet në njoftimin e Kuvendit.

Ndërkaq gjatë do të mblidhet sot Komisioni i Votimit dhe Etikës, për të diskutuar kërkesën e shtatë deputetëve të Partisë Socialiste për përjashtimin e tetë kolegëve të tyre demokratë për 10 ditë nga seancat plenare.

Sipas socialistëve, deputetët e PD-së me veprimet e tyre në seancën  efundit plenare kanë penguar zhvillimet në Kuvend.

Mësohet se në mbledhjen që pritet të nisë në orën 10:00 do të jenë të pranishëm 6 deputetë të PD-së për të cilët është kërkuar përjashtimi.

Kujtojmë se përjashtim është kërkuar për; Luçiano Boçin, Albana Vokshin, Ervin Salianji, Ina Zhupën, Luan Baçin, Tritan Shehun, Gazmend Bardhi dhe Bledion Nallbati.

edi rama charles mcgonigal fbi kuvendi hetimi skandali partia demokratike pd lindita nikolla deputetet

kerkesa e ps 1

kerkesa e ps 2

kerkesa e ps 3