Paloka: Alibeaj po bën lojë të shpifur. Ftesa e tij hipokrizi, ishte kundër Primareve. Jemi në bisedime për koalicionin

Deputeti Edi Paloka ka deklaruar se ftesa e Alibeajt drejtuar të kandidatëve të Primarëve që të futen në zgjedhjet e 14 majit me logon e PD-së, është pjesë e lojës së kryeministrit Edi Rama.

Gjithashtu ai ka theksuar se në këtë mënyrë synon të shkatërrojë PD dhe opozitën shqiptare. Paloka ka theksuar se e gjitha është pjesë e hipokrizisë pasi vetë Alibeaj nuk i njihte Primaret.

“Vulën ua jep Rama. Tani papritur kërkojnë bashkëpunim me PD-në. Berisha e tha dhe më parë, nëse duam të bashkëpunojmë me Ramën e bëjmë vetë, jo nëpërmjet Alibeajt. Kjo është thjesht një lojë e shpifur. Sa për sqarim publik, këto që sot flasin nuk e bëjnë për bashkëpunim.

Vulën e duan prej Ramës, votuesit prej Berishës. Ne kemi bërë bisedime përpara se të hynim në procesin e Primareve, por këta nuk pranuan, sepse nuk njihnin Primaret. Është hipokrizi. E gjithë ajo që ndodhi në Gjykatën e Apelit, tentuan të lënë jashtë loje në zgjedhje Partinë Demokratike.

Basha rezulton ende kryetar, nxjerrin dhe dokumenta të falsifikuara. Si e paska parashikuar Basha që Alibeaj do bëhej kryetar? Kjo do jetë shfaqja që do vazhdojnë të japin”, u shpreh ligjvënësi demokrat.

Paloka komentoi gjithashtu edhe bisedimet me aletaët për përfaqësimin e opozitës në këto zgjedhje.

“Po bisedojmë me disa parti për koalicionin. PL dhe Partia e të Drejtave të Njeriut, janë dy kryesoret. Do gjejmë dhe formulën më optimale për t’u futur në koalcion. Por bisedimet janë me të gjithë aleatët dhe partitë opozitare”, shprehet Edi Paloka.

edi rama edi paloka enkelejd alibeaj