Berisha në Peqin: Në mbarë Shqipërinë ne kemi kandidatë më të mirë se kurrë më parë

Pasditen e së hënës ish-kryeministri Sali Berisha prezantoi ne Peqin kandidatin e koalicionit "Bashkë Fitojmë" për kryetar bashkie, Mustafa Pashjan, ku kërkoi votën edhe për të frenuar emigrimin.

Në ditën e fundit të regjistrimit të kanidatëve në KQz, Sali Berisha ka prezantuar ne Peqin, Musatafa Pashjan, i cili do të përfaqesojq koalicionin "Bashkë Fitojmë" në zgjedhjet vendore të 14 majit.

Berisha: Kam ardhur në dekada shpesh tek ju, kam paraqitur kandidatë për kryetarë bashkie, kandidat për deputetë. Mustafa Pashjen e kam një mik të vjetër, bashkëpunëtor të hershëm, por kësaj here, Mustafai dhe të gjithë kandidatët tanë janë tjetër, ata nuk janë më, kandidatët e kryetarit dhe kryesisë, ata janë kandidatët tuaj. Janë gra dhe burra që vendosën të dalin para jush, të vlerësohen nga ju, të votohen nga ju, dhe kjo ndodhi. Në këtë kontekst, miqtë e mi, kandidatët e primareve janë nuset dhe dhëndurët e lirisë. Ne vendosëm një standard që nuk ka ekzistuar më parë, por ju garantoj ju se për lirinë, ky është standardi më i mirë që ekziston sot dhe në vendet më të zhvilluara të botës.

Dhe kur në takime para një viti e gjysmë, demokratët kërkonin kudo që ne duhet të zgjedhim vetë, kryetarin tonë të partisë, duhet të zgjedhim vetë kryetarin tonë të bashkisë, deputetin tonë, dhe jo të na i emëroni ju, unë premtova një gjë të tillë. Premtova me besimin më të madh se ju keni një shkallë formimi politik shumë të lartë. Se ju keni një shkallë vlerësimi të shkëlqyer dhe koha provoi se sot në Peqin dhe mbarë Shqipërinë se ne kemi kandidatë më të mirë se kurrë më parë.

Krahasoni pak këta kandidatë me krahun tjetër që vijnë sikur vijnë nga bodrumet e mafias. Që shpallen në ora 1 të natës. Që nuk kanë takuar një socialist, një demokrat, një të paparti për tu vlerësuar, por që të gjithë nga padrinoja i mafias më të rrezikshme në Europë, nga Edi Rama. Që të gjithë mbi haraçin që paguajnë, mbi lidhjet e krimit që kanë, mbi vjedhjet që kanë bërë.

Ju e ndoqët procesin e emërimit të tyre, diku kërciti dajaku në mbledhje, diku tjetër u vendosën hekurat në duar, të tjerë u thirrën në SPAK se nuk po bindeshin, kurse ne gjithçka e lamë tek ju, tek besimi, vullneti, juaj dhe të jeni të sigurt  se ky është një investim i madh për të sotmen dhe të ardhmen e këtij vendi.  Ne besojmë shumë në dinjitetin njerëzor, besojmë se ai që do të zërë vendin e qytetarit të parë, kryetarit të bashkisë, ai duhet të jetë gjithçka i varur nga ju, pafundësisht mirënjohës ndaj ju, ai duhet të jetë një shërbëtor ndaj jush. Ai duhet të bëjë gjithçka që të tregojë se e meritoi votën tuaj. Dhe ky është rregulli i demokracisë, ky është përfaqësimi demokratik.

Berisha u shpreh dhe ndaj situatës së përgjithshme të Shqipërisë.

Ai ju referua të dhënave të Kontrollit të Lartë të Shtetit, duke akuzuar qeverinë për shifrën 5 miliard euro të borxhit, i cili sipas ish-kryeministrit nuk është përdorur as për të rritur rrogat e as për investime të tjera.

Berisha theksoi se largimi masiv i shqiptarëve nga fshatrat dhe zonat urbane, është një nga problemet që ka sot Shqipëria dhe për këtë arsye ai fton demokratët dhe jo vetëm që të tregojnë me anë të votës dashurinë e mbetur për vendin.

EMISIONET