Jo vetëm pamja! 18 cilësitë që, sipas grave, e bëjnë një burrë vërtet tërheqës...

Kur flasim për gjërat që e bëjnë dikë tërheqës, mendja mund të shkojë menjëherë te pamja, paratë apo vetëbesimi, por sipas një diskutimi viral në Reddit, shumë gra tërhiqen më tepër nga mënyra se si një burrë sillet, komunikon dhe e menaxhon jetën e tij.

1. I bën të tjerët të ndihen të sigurt, të dëgjuar dhe të respektuar.

2. Nuk ka drama të pazgjidhura me ish-partneret; një e kaluar sentimentale pa konflikte të vazhdueshme shihet si një shenjë pjekurie emocionale.

3. Sillet mirë me kafshët. 

4. Është aty kur ke nevojë, qoftë për të dëgjuar, qoftë për të vepruar dhe ndihmuar, sepse gatishmëria për t’u shfaqur në momentet e rëndësishme vlerësohet shumë.

5. Ka përulësi, pra pranon se nuk di gjithçka, se mund të gabojë dhe se nuk është gjithmonë personi më i zgjuar në dhomë.

6. Di të ndërtojë ose të rregullojë gjëra (aftësitë praktike, veçanërisht kur dikush i përdor pa bërë zhurmë apo pa u mburrur, krijojnë përshtypje).

7. Di të gatuajë! Një burrë që përgatit ushqim të mirë merr shumë pikë.

8. Komunikon qartë. Pra, thotë çfarë mendon, çfarë do dhe si ndihet, pa lojëra dhe pa mesazhe të paqarta.

9. Di të kërcejë. Vetëbesimi dhe ritmi në pistën e kërcimit vazhdojnë të funksionojnë.

10. Ka një shtëpi të pastër, sepse një ambient i rregullt tregon kujdes për veten, pavarësi dhe aftësi për të menaxhuar jetën e përditshme.

11. Është i aftë, pa pasur nevojë të mburret

12. Është i pavarur. Aftësia për t’u kujdesur për veten, për të marrë vendime dhe për të përballuar përgjegjësitë shihet si shumë tërheqëse.

13. Bën plane të qarta dhe i mban ato. Të planifikosh paraprakisht dhe të respektosh atë që ke thënë mund të duket e thjeshtë, por për shumë gra është një shenjë serioziteti.

14. Ka një punë të qëndrueshme dhe jo domosdoshmërisht për shkak të të ardhurave, por sepse lidhet me stabilitetin dhe përgjegjshmërinë.

15. Merr përgjegjësi për gabimet.

16. Pranon të sakrifikojë rehatinë e tij për të të ndihmuar.

17. Tregohet i sjellshëm edhe me njerëzit që nuk i njeh (mënyra se si dikush sillet me kamerierët, punonjësit, të moshuarit apo të panjohurit mund të tregojë shumë për karakterin e tij).

18. Vendos objektiva dhe punon për t’i arritur. Qoftë një projekt në shtëpi, një diplomë, një certifikim, aktiviteti fizik apo një hobi i ri, disiplina dhe këmbëngulja u konsideruan shumë tërheqëse.