(FOTO) TMZ publikon fotot/ Kendall Jenner dhe Jacob Elordi të pandarë në darkë, largohen bashkë pas takimit

Jacob Elordi dhe Kendall Jenner janë fotografuar sërish së bashku në Montecito të Kalifornisë, ku janë parë në një darkë në shoqërinë e një çifti tjetër.

Sipas fotove të publikuara nga TMZ, dyshja ka kaluar pjesën më të madhe të mbrëmjes pranë njëri-tjetrit, me momente afërsie mes tyre.

Jenner është parë duke e përqafuar aktorin dhe duke u sjellë në mënyrë të afërt gjatë darkës, ndërsa Elordi është shfaqur i qetë dhe i buzëqeshur.

Burime pranë tyre thonë se Jenner ka qenë shumë e afërt me aktorin gjatë gjithë mbrëmjes. Takimi është zhvilluar pranë fermës së saj në Kaliforni dhe në fund të darkës ata janë larguar së bashku, me Elordi në timon.

Dyshja përflitet prej muajsh për një lidhje, pas shfaqjeve të para së bashku në një festë pas Coachella-s.

Më herët janë përmendur edhe udhëtime të përbashkëta, përfshirë një qëndrim në Hawaii, ku kanë kaluar kohë me njëri-tjetrin.

Edhe pse nuk ka konfirmim zyrtar, daljet e tyre të fundit po shtojnë dyshimet se mes tyre mund të ketë një romancë në zhvillim.