FOTO/ Amber Heard hap një kapitull të ri në Spanjë, aktorja ndan momente të ëmbla me vajzën pas një gare sportive!

Amber Heard ka ndarë me ndjekësit e saj disa momente të veçanta nga jeta e saj në Spanjë, duke u shfaqur e buzëqeshur pranë vajzës së saj pesëvjeçare, Oonagh, pas përfundimit të një gare 10-kilometërshe në Madrid.

Aktorja 40-vjeçare mori pjesë në garën e njohur KLM Norte Sur gjatë fundjavës dhe publikoi në Instagram disa fotografi menjëherë pas kalimit të vijës së finishit. Në një prej imazheve më të komentuara, ylli i “Aquaman” shihet duke mbajtur në krahë vajzën e saj, e cila festonte me entuziazëm arritjen e nënës.

Heard e shoqëroi postimin me fjalët: “Shkëlqimi i garës së parë”, ndërsa në një tjetër fotografi pranë vijës së finishit shkroi: “Asgjë nuk e mund këtë ndjenjë”.

Prej disa vitesh, aktorja jeton në Madrid, duke zgjedhur një jetë më të qetë dhe larg vëmendjes së vazhdueshme të mediave. Pas gjyqit shumë të komentuar për shpifje me Johnny Depp në vitin 2022, Amber vendosi të largohej nga Shtetet e Bashkuara dhe të ndërtonte një kapitull të ri në Spanjë.

Sipas raportimeve nga banorët e zonës El Viso në Madrid, aktorja është përshtatur plotësisht me jetën e re dhe gëzon një marrëdhënie të afërt me komunitetin lokal, ndërsa përqendrohet te rritja e fëmijëve të saj.

Në maj të vitit të kaluar, Heard bëri të ditur se familja e saj ishte zgjeruar me ardhjen në jetë të binjakëve Agnes dhe Ocean. Në një mesazh emocional të publikuar me rastin e Ditës së Nënës, ajo u shpreh se ndihej “jashtëzakonisht e lumtur” që kishte realizuar ëndrrën e saj për të krijuar familjen që kishte dëshiruar prej kohësh.

Fotografitë e fundit kanë ngjallur reagime pozitive në rrjetet sociale, ku shumë ndjekës kanë vlerësuar faktin se aktorja duket më e qetë dhe e përkushtuar ndaj jetës familjare, larg polemikave që e shoqëruan në vitet e fundit.

amber1

amber