Zjarr në një spital në Pekin, humbin jetën 21 persona

Një zjarr në një spital në Pekin ka vrarë të paktën 21 persona dhe ka detyruar dhjetëra njerëz të evakuohen, raportojnë mediat shtetërore kineze.

Ndërsa retë e tymit të zi u ngritën në qiell të martën vonë, njerëzit e bllokuar në ndërtesën shumëkatëshe me sa duket lidhën çarçafëtnë litarë të improvizuar dhe shpëtuan duke u zbritur nga dritaret.

Të tjerët u strehuan duke u ulur në njësitë e ajrit të kondicionuar në pjesën e jashtme të ndërtesës.

Ekuipazhet e urgjencës arritën të shuanin zjarrin, i cili shpërtheu në krahun lindor të departamentit të spitalit të Pekinit Changfeng, raportoi CGTN dhe të paktën 71 pacientë u shpëtuan. Shkaku i rënies së zjarrit është nën hetim.

Spitali i Pekinit Changfeng ndodhet në zonën urbane perëndimore të kryeqytetit, rreth 25 minuta nga sheshi qendror Tiananmen.

Pjesa më e madhe e ndërtesës së spitalit dukej se ishte pa energji të martën vonë. Pjesa e jashtme e ndërtesës dukej e nxirë dhe e djegur në shumë vende.

Nuk ka asnje deklaratë zyrtare se sa është numri i të vdekurve dhe të plagosurve.