Zjarr i fuqishëm pranë Heraklionit, tymi i zi mbulon zonën ndërsa flakët afrohen pranë banesave

Një zjarr i fuqishëm shpërtheu mesditën e së enjtes në zonën e Agios Ioannis Chostos, pranë qytetit të Heraklion, duke shkaktuar alarm te autoritetet lokale.

Sipas raportimeve, flakët nisën në një hapësirë të jashtme ku ndodheshin paleta dhe materiale të tjera të ndezshme.

Për shkak të kushteve të favorshme për përhapjen e zjarrit, tymi i zi dhe i dendur u bë i dukshëm nga distanca të mëdha, duke ngritur shqetësime për banorët e zonës.

Në operacionin për shuarjen e flakëve janë angazhuar 32 zjarrfikës me tetë automjete zjarrfikëse, një ekip në terren dhe një helikopter.

Forcat e emergjencës po punojnë intensivisht për të vënë zjarrin nën kontroll dhe për të parandaluar përhapjen e tij drejt banesave dhe objekteve përreth.

Ekipet po hasin vështirësi për shuarjen e flakëve për shkak të rrugëve të ngushta dhe zjarri ka përfshirë edhe disa shtëpi në afërsi të fabrikës.

Deri më tani nuk ka raportime për persona të lënduar, ndërsa autoritetet vijojnë monitorimin e situatës dhe hetimet për shkaqet e zjarrit.