Zelensky, “Njeriu i vitit”, “Time” e cilëson liderin 44-vjeçar simbol të qëndresës

Presidenti ukrainas Volodymyr Zelensky është shpallur “Njeriu i Vitit” nga revista prestigjioze amerikane “Time”. “Suksesi i Zelenskyy si udhëheqës është mbështetur në faktin se guximi është ngjitës,” shkruan revista presrigjioze amerikane.

Presidenti Volodymyr Zelensky në qendër dhe përreth tij mjekë, komandantë, ushtarakë, njërëz të thjeshtë dhe lulja e diellit simbol i Ukrainës. Këtë kopertinë ka prezantuar revista prestigjioze amerikane “Time” për të lajmëruar se ka zgjedhur liderin 44-vjeçar dhe shpirtin ukrainas “Njeriu i Vitit” pwr 2022-in.

Në përballjen me agrsionin rus për 9 muaj, që ka sjellë viktima dhe shkatërrim në Ukrainë, Zelenski vlerësohet si simbol i qendresës së popullit për liri.

“Suksesi i Zelenskyy si udhëheqës është mbështetur në faktin se guximi është ngjitës. Ai u përhap përmes lidershipit politik të Ukrainës në ditët e para të pushtimit, pasi të gjithë e kuptuan se Presidenti nuk ishte larguar,” tha reporteri i “Time”, Simon Shuster.

Që atëherë, z. Zelensky ka përdorur zyrën e tij në Kiev për të mbajtur një sërë fjalimesh në Kongresin e SHBA, Parlamentin Britanik, Bashkimin Evropian dhe shumë grupe të tjera, duke u lutur për mbështetje ushtarake, duke falënderuar kombet për qëndrimin në krah të Ukrainës dhe përshtatjen e vendit të tij. lufta si një mes lirisë dhe despotizmit.

Lideri ukrainas cilësohet si antiteza e presidentit rus, Vladimir Putin, i fshehur në Kremlin, fiksimi i të cilit për të rindërtuar një perandori, i ka kushtuar dhjetëra, ndoshta qindra, mijëra jetë.

I konsideruar nga shumë ukrainas, para pushtimit të shkurtit, një amator që përpiqet të përballet me sfidën e postit të lartë, 44-vjeçari Zelensky ka fituar një vend në histori, për shkak të shfaqjes së jashtëzakonshme të tipareve të udhëheqësit dhe qëndresës.