Women’s Wear Daily: Lojërat Olimpike ndikim negativ te biznesi i luksit

Luksi nuk ka luajtur asnjëherë një rol kaq qendror në Lojërat Olimpike, sipas revistës së modës “Women’s Wear Daily” (WWD).

Që kur ”LVMH Moët Hennessy Louis Vuitton”, e specializuar në mallra luksoze, nënshkroi në korrik për t’u bërë një partnere premium e Lojërave Olimpike dhe Paralimpike Paris 2024, markat kanë rritur përpjekjet e tyre të komunikimit për atë që pritet të jetë një vit i shkëlqyer për marketingun sportiv.

Ndërsa pyetjet vazhdojnë të qarkullojnë në lidhje me sigurinë dhe logjistikën, mbështetja lokale për Lojërat Olimpike të kësaj vere në Paris ka rënë dhe përfaqësuesit e sektorit të luksit kanë shprehur shqetësimin se Lojërat Olimpike në Paris do të ndikojnë negativisht te biznesi gjatë ngjarjes, për të cilën zyrtarët kanë paralajmëruar se do të rezultojë në mosmarrëveshje të gjëra për disa muaj.

”Ekziston rreziku që kjo të jetë një periudhë e tmerrshme për biznesin dhe kulturën, sepse lloji i vizitorëve që shkon në garat olimpike ndoshta nuk është i njëjtë me muzetë, dhe ndoshta as i klientëve për shtëpitë tona”, tha Bénédicte Epinay, shefe ekzekutive e shoqatës franceze të mallrave luksoze.