Me shpejtësi skëterrë nuk iu bindën patrullës së policisë, arrestohen dy shqiptarët në Itali

Dy shqiptarë u vunë në prangat e Policisë italiane, teksa udhëtonin me shpejtësi skëterrë përgjatë autostradës në Rimini, ndërsa nuk iu bindën postbllokut të policisë.

Kjo bëri që patrulla të vihej në ndjekje të tyre dhe më pas t’i arrestonte për të dalë para gjykatës, mbi shkeljen e kryer.

“Nuk e vumë re ndalimin e policisë”, ishte përgjigja që dy shqiptarë dhanë para gjyqtares  Maria Cristina Sarli, teksa kjo e fundit pyeti dy tridhjetëvjeçarët shqiptarë. Megjithatë, policia kishte raportuar se dy shqiptarët, me disa dënime penale, kishin ikur me mbi 200 kilometra në orë përgjatë autostradës A14, nga Rimini – ku ishin ndaluar nga Policia Rrugore – në Bolonja, raportojnë mediat italiane.

Në fund të një ndjekjeje që përfshinte pesë makina patrullimi nga Forlì dhe Bolonja, me drita pulsuese dhe sirena, ata më në fund u detyruan të ndalonin arratisjen e tyre absurde dhe jashtëzakonisht të rrezikshme, përballë një ‘muri’ trafiku të organizuar posaçërisht nga Policia Rrugore për t’i bllokuar ata.

Nuk është e qartë pse dy shqiptarët, të përfaqësuar nga avokati Marco Sciascio, vendosën të iknin mbrëmjen tjetër: shoferi, një banor i zonës së Milanos, rezultoi pozitiv në sasi të vogla konsumi, në testin e alkoolit.

Policia tha gjithashtu se brenda automjetit, nuk kishte mallra të vjedhura ose ndonjë gjë tjetër që mund të justifikonte manovrat. Drejtimi i pamatur i shoferit rrezikoi jo vetëm atë dhe pasagjerin e tij, por edhe oficerët e Patrullës Rrugore që ndërhynë dhe të gjithë shoferët që udhëtonin në të.

Dy shqiptarët u arrestuan për mosndalimin e një sinjali ndalimi (të cilin oficerët e kishin lëshuar të paktën tre herë) dhe për rezistencën ndaj një oficeri publik. Gjykatësi hetues, gjatë seancës paraprake dëgjimore, urdhëroi që shoferi tridhjetëvjeçar – i cili më parë kishte shkelur një urdhër arresti dhe kishte një precedent penal për mallra të vjedhura – të vihej në arrest shtëpiak në shtëpinë e mikut të tij në zonën e Milanos, ndërsa shqiptari tjetër i cili jeton në Romë, u urdhërua të paraqitej në policinë gjyqësore.