Hetimet kundër mbështetësve të Putinit, bastiset jahti rus në portin e Hamburgut

Bastisje financiare ndaj një prej mbështetësve të luftës së Putinit në mes të portit të Hamburgut.

Në orët e vona të mëngjesit, hetuesit e BKA mbërritën në kantierin e anijeve Blohm & Voss dhe u nisën për në bankën e të akuzuarve ku aktualisht ndodhet jahti "Luna" në pronësi të biznesmenit rus Farkhad Akhmedov 67 vjeç.

Prej disa muajsh, Prokuroria Publike e Frankfurtit ka hetuar përkrahësin e politikës ruse.

Në prill të vitit 2022, BE vendosi sanksione ndaj mbështetësit të Putinit, por këto deri më tani e kanë lënë 67-vjeçarin të pa impresionuar.

“Ai dyshohet se ka shkelur detyrimin për të raportuar pasuritë në Deutsche Bundesbank dhe Zyrën Federale të Ekonomisë dhe Kontrollit të Eksportit pasi është përfshirë në listën e sanksioneve të BE-së” tha zëdhënësi i Autoritetit Dr. Nils Lund.

“Gjatë periudhës së krimit, thuhet se ai nuk ka raportuar tek autoritetet përgjegjëse gjermane pasuritë e rëndësishme që thuhet se ka pasur në Republikën Federale të Gjermanisë” shtoi ai.

Përveç hetuesve nga Zyra Federale e Policisë Kriminale (BKA), hetues nga Zyra e Policisë Kriminale Shtetërore në Hamburg, Policia Federale dhe ekspertë nga Marina Gjermane, Bundesëehr, mbërritën për bastisjen në kantierin e anijeve, që vijon akoma.

Të pranishëm janë 30 hetues.

Ata kontrollojnë dhomat e jahtit luksoz (115 metra, 400 milionë euro), i cili aktualisht është në rinovim dhe ndodhet në kantierin e anijeve.

"Sigurisht që ne punojmë ngushtë me autoritetet përgjegjëse dhe ndjekim të gjitha rregulloret e sanksioneve" tha për BILD një zëdhënës nga Blohm + Voss.

gjermani oligarket rus