BOOM - "Më ndihmoni të jetoj!" Apeli i 11 vjeçares që vuan nga skolioza, prindërit në çadër s'kanë të ardhura

Këtë javë stafi BOOM ka udhëtuar drejt fshatit Mënik te Tiranës, aty ku jeton 11 vjeçarja Klementina Lena.  

Çdo gjë në jetën e vajzës shkonte mirë deri para 7 muajsh kur mjekët e diagnostikuan me deformim të rëndë të shtyllës kurrizore, ose siç thuhet në gjuhën mjekësore skoliozë.                                      

"Ndjej dhimbje shtyllën kurrizore, ndjej dhimbje edhe natën. Shkollën e kam 1 orë larg. S'kam mundësi tjetër, makinë dhe autobus s'ka. Çantën ma mban mami. Nuk shkoj në shkollë kur kam dhimbje, kur kam vizita dhe kur ka furtuna. Dua të marr një korse, sepse nuk ka mundësi babi të ma blejë" thotë vajza duke qarë.  

E  trishtë të shohësh një vajzë 11 vjeçare që vuan aq shumë nga dhimbjet, për më tepër prindërit nuk kanë mundësi që t'i blejnë një korse të re dhe ta ndjekin me mjekime, sepse nuk i kanë mundësitë.  

Spitalet shtetërore në vend nuk e kanë marrë përsipër kurimin e këtij rasti dhe prindërit e kanë të pamundur që të mbulojë faturat e kurimit në spitale private.

"Problemi është në shtyllën kurrizore. Ka dalë me skoliozë. E çuam te Ushtaraku dhe na thanë të presim tre muaj për të bërë një analizë. Më pas e çuam në privat se s'kishim zgjidhje tjetër. I përgatitën një korse që shkoi 800 mijë lekë, plus vizitat që nuk llogariten. Vajza u përkeqësua. Shteti u tall me ne. Jam e detyruar t'i drejtohem privatit që t'i shpëtoj jetën vajzës, se më rrezikohet vajza. Mjekët në privat më kanë thënë që nuk ka zgjidhje tjetër por në moshën 12 vjeç duhet të bëjë një operacion. Ne jetojmë në çadër që prej 26 nëntorit të 2019."  

Është një vajzë vetëm 11 vjeç e sëmurë që vuan ditë e natë nga dhimbjet dhe për më tepër jeton ne çadër në kushte skandaloze. I bëjmë thirrje  çdo spitali  privat që mund ta marrë përsipër si rast ta ndihmojë 11-vjeçaren Klementina Lena.  

Vendi Lajme Boom Lajmi i fundit Sociale tirane boom klementina lena menik