Sekuestro për 5 mln euro pasuri, Prokuroria: Asetet e Fatjon Muratit e familjarëve, të dyshimta

Një javë pas arrestimit në makinë me Endrit Doklen, Prokuroria e Tiranës ka goditur pasuritë e Fajton Muratit. Katër prona të paluajshtme dhe tri biznese me vlerë rreth 5 milionë euro, sipas Prokurorisë duhet të sekuestrohen pasi dyshohen se kanë prejardhje kriminale. Organi i akzuës thekson se Murati është akuzuar nga autoritetet italiane për disa vepra penale, mes të cilave edhe trafik kokaine.

Prokuroria e Tiranës kërkon sekuestrimin e katër pasurive dhe tri bizneseve në pronësi të Fatjon Muratit, personit që u arrestua në makinë me Endrit Doklen një  javë më parë në Tiranë.

Organi i akuzës theksoi se hetimi pasuror ndaj Muratajt ka nisur në vititj 2018, kur ai është referuar si i dyshuar për kryerje të aktivitetit kriminal në fushën e narkotikëve jashtë Shqipërisë.

Vlera e pasurive të sekuestruara përllogaritet në rreth 5 milionë euro.

Konkretisht më 21 mars 2018 Murataj së bashku me katër persona të tjerë, mes të cilëve disa të arrestuar në Itali, janë denoncuar për se janë marrë fillimisht me vjedhje dhe më pas e kanë zgjeruar aktivitetin në trafikimin e lëndëve narkotike.

Ndaj Fatjon Muratajt, gjykata e Trevizos ka vendosur më 31 tetor 2015 masën për evezion, ndërkohë që një muaj më vonë ka nxjerrë urdhër arresti ndaj tij me akuzat e “Pranimit të mallrave të vjedhura”, “Posedim abuziv të armëve” dhe “Trafikim të lëndëve narkotike”.

Më 26 prill, Gjykata e Venecias ka urdhëruar arrestimin dhe paraburgimin në burg për veprën penale të “Pjesëmarrjes në krime”; dhe më 26 korrik 2017 në kuadër të procedimit penal të autoriteteve gjyqësore të Padovas, është raportuar për veprën penale të “Trafikimit të kokainës”.

Sekuestro për 5 mln euro pasuri, Prokuroria: Asetet e Fatjon Muratit e

Prokuroria thotë se nga analiza e provave arrin në konkluzionin se pasuritë e paluajtshme të Fajton Muratajt dhe familjareve të tij dyshohet, përtej çdo dyshimi të arsyeshëm të bazuar në prova, se janë produkte të veprave penale ose i veprimtarisë kriminale, në të cilat ka qenë i përshirë, si dhe ka rrezik që të transferohen tek të tretët.

Për këtë arsye prokuroria ka kërkuar sekuestrimin e sipërfaqes së ndërtimit 120 metra katrorë në zonën kadastrale 8330, dyqanit me sipërfaqe 40 metra katrorë në rrugën "Lord Bajron", apartament 90.30 m2 në rrugën “Shaban Matraku” dhe ndërtesë 8 katëshe me sipërfaqe 317 m2 katrorë.

Përveç këtyre pronave, Prokuroria ka kërkuar edhe sekuestrimin e tri aktiviteteve tregtare me aktivitet tregti artikujsh ushqimorë, bar kafe dhe lavazh automjetesh.

 

Dokumenta bashkëngjitur

EMISIONET