PD dhe Vetëvendosje depozitojnë provat në KAS për manipulim dhe blerje votash

PD dhe Vetëvendosje depozitojnë provat në KAS për manipulim
Foto e publikuar nga Vetëvendosje

Komisioni i Ankesave dhe Sanksioneve pritet që të mblidhet sot për të shqyrtuar ankesave e PD-së dhe kandidatit të pavarur të mbështetur nga Lëvizja Vetëvendosje.

Nga ana e tyre, përfaqësuesit e PD i kërkuan KAS që të administrojnë provat e paraqitura sot nga blerja e votave, ndikimi tek administrate apo shpërndarja e lejeve të legalizimeve.

PD ka paraqitur provat e saj për kërkesën për të shpallur pavlefshmërinë dhe për të ripërsëritur zgjedhjet në qarkun e Beratit.

PD akuzon se drejtues të PS në Berat bashkëpunuan me persona me rekorde të theksuara kriminale.

Ndërkohë, nga ana tjetër Lëvizje Vetëvendosje ka vazhduar me dokumentimin e metodave të tjetërsimit të votës, ku subjekti me numër 13, sipas tyre mbulohej kur dilte para ekranit të numërimit.

Sipas LVV-së, si një fenomen i përhapur në masë, kjo ka qenë pjesë e një plani të manipulimit të vullnetit të qytetarëve për të nxjerr jashtë loje kandidatët e pavarur.

"Vëzhguesit e kandidatëve të pavarur të mbështetur nga Lëvizja Vetëvendosje kanë identifikuar në masë këtë mënyrë “numërimi” votash, ku katrori i subjektit zgjedhor me nr. 13 mbulohej gjatë gjithë kohës sa shfaqej fleta e votimit në ekranin e tavolinave të numërimit.  Kjo metodë “numërimi” është në shkelje flagrante të Kodit Zgjedhor dhe Udhëzimeve të KQZ-së. Duke mbuluar katrorin e subjektit zgjedhor me numër 13, nuk lejohet të kuptohet nëse në atë katror ka patur ose jo një “X”.

Si fenomen i përhapur në masë, le të kuptohet se ka qenë pjesë e një plani të manipulimit të vullnetit të qytetarëve për të nxjerr jashtë loje kandidatët e pavarur. Më poshtë, evidentimin e kësaj shkeljeje e kemi ilustruar edhe me disa shembuj me fotografi, të cilët janë depozituar edhe në KQZ/KAS si pjesë e ankesës tonë zyrtare."

 

EMISIONET