I vihet flaka "BMW"-së në Vlorë, dyshohet se mjeti u përdor në ekzekutimin me snajper të 22-vjeçarit

Të tjera zhvillime vijnë nga Vlora, aty ku pak orë më parë qyteti i trondit nga ekzekutimi i dyshuar me snajper i 22-vjeçarit Gëzim Sinomatit, sapo ai ka dalë në ballkonin e katit të tretë të pallatit ku kishte apartamentin është goditur me një plumb në kokë nga një distancë e largët.

Në zonën e stacionit të trenit tashmë mësohet se është gjetur një automjet duke u djegur, i cili mendohet se është përdor nga autori apo autorët e përfshirë në këtë ekzekutim mafioz të Sinomatit.

Raportohet se i riu që mbeti viktimë e ngjarjes së sotme sapo ishte kthyer nga Belgjika. Ndërsa vendngjarja është blinduar nga forcat e policisë, të cilat po zhvillojnë kontrolle edhe në banesat përreth në përpjekje për të kapur autorin apo autorët e ngjarjes së rëndë.

Forca të shumta policie kanë rrethuar zonën dhe po bëjnë kontrolle në banesa të ndryshme.

Dyshohet se snajperisti ka qenë në ndërtesën përballë pallatit ku banonte viktima.