Gjiknuri: LSI humbi mandatin në Vlorë për faj të fushatës së Metës

Gjiknuri tha se mandati i LSI në Vlorë humbi falë fushatës së Presidentit. Gjithashtu, Gjiknuri tha se fushata e Presidentit i dha motiv qytetarëve të Vlorës të dilnin dhe të mbështesnin PS.

Gjiknuri: "Presidenti energjizoi fushatën tonë për arsye sepse i dha motiv të gjithë qytetarëve vlonjatë që të dilnin dhe të mbështesin PS, ta kthenin atë në një referednum siç unë e kisha deklaruar.  Ai erdhi dhe na akuzoi pa të drejtë dhe unë e kam thën ne dimë të  presim dhe të përcjellim.

Çdo ndërhyrje nga jashtë  e Presidentit bëri të ndoste fushatën, por nuk ishte lokale. Ne nuk kishim problem lokale, problem ishin me ata që humbën mandatin.

Praktikisht mandati  i Presidentit  dhe  i partisë së tij u humb në Vlorë falë fushatës së tij dhe këtë po e them  me sinqeritet, për këtë dua të falenderoj.

Të kisha konsulentët më të mirë, unë ku ta gjeja që të vinte Presidenti e të bëne fushatë në Vlorë. Praktikisht mu plotësua dëshira."