Ekzekutoi grekun e njohur si "Amerikani", shqiptari në polici: Nuk doja ta vrisja por të sqaroja sherrin e tetorit

38-vjeçari shqiptar, Izbi Çaushi, i cili vrau mëngjesin e të premtes që lamë pas 47-vjeçarin grek të njohur si "Amerikani" në Kalamata ka deklaruar për policinë se nuk do ta vriste.

Siç raportohet nga mediat greke, ai ka pretenduar se donte t'i kërkonte një shpjegim për një sherr që ata kishin pasur në tetor të vitit të kaluar.

Megjithatë, policia e cilëson 38-vjeçarin shqiptar si “të pamëshirshëm” dhe “mizor”.

Si e arrestoi policia 38-vjeçarin

Rreth orës 9 të mëngjesit të djeshëm, oficerët e policisë së Prokurorisë së Narkotikëve të Kalamatës kanë bastisur një dhomë të nëndheshme, në një biznes qiramarrësish në Akrogiali.

Autori i shpallur në kërkim për vrasjen e “Amerikanit” është arrestuar së bashku me një 34-vjeçar bullgar, i cili e kishte marrë dhomën me qira.

Policia ka gjetur në dhomë 80 gramë hashash dhe ndaj të dyve është ngritur një çështje për trafik droge.

38-vjeçari shqiptar i akuzuar për trafik kokaine, ka marrë përsipër vrasjen e “Amerikanit” dhe ka pretenduar se 22-vjeçari i akuzuar si bashkëpunëtor i tij, i cili është burgosur përkohësisht, donte t'i blinte viktimës 2 gramë kokainë dhe duke qenë se ishin miq, shkuan bashkë.

Ai gjithashtu pranoi se qëlloi, por pretendoi se nuk kishte ndërmend ta vriste.

Lidhur me pistoletën  me të cilën ka kryer krimin, dyshohet se i ka thënë policisë se e ka hedhur në det.

Të shtunën, 38-vjeçari Izbi Çaushi pritet t'i kërkojë falje hetuesit të Kalamatas, i akuzuar për vrasje me dashje në gjendje të qetë shpirtërore, si dhe për 80 gramë hashash në dhomën ku u arrestua.

Bashkë me të, të shtunën do të kërkojë falje për drogën edhe 34-vjeçari bullgar, i cili po ashtu procedohet për mbështetje të një krimineli.

izbi Çaushi greqi vrasja amerikani