Dëmtohet dera hyrëse e KZAZ-së në Kavajë

Dëmtohet dera hyrëse e KZAZ-së në Kavajë

Pasditen e sotme është dëmtuar nga persona të paidentifikuar dera e shkollës "26 Marsi" aktualisht jashtë funksioni, e cila shërben si KZAZ.

"Më datë 23.04.2023, është marrë njoftim nga anëtarët e KZAZ Nr. 42, në Kavajë, se është dëmtuar dera hyrëse e kësaj KZAZ-je, në shkollën "26 Marsi", shkollë aktualisht jashtë funksionit.

Menjëherë është ngritur grupi hetimor dhe kanë kaluar në vendngjarje dhe nga hetimet e para paraprake dhe këqyrja e vendit të ngjarjes, nuk është konstatuar mungesë apo dëmtim i ndonjë sendi dhe dokumentacioni i KZAZ," njoftoi policia.

Nga hetimet paraprake dyshohet se dera është hapur me forcë nga disa të mitur, që frekuentojnë ambientet e shkollës mbasditeve.

Grupi hetimor po punon për sqarimin e rrethanave të ngjarjes dhe identifikimin e kapjen e autorit/ëve.

EMISIONET